Tags-Khwab

hasīn ḳhvāb se chauñke the rasmasā.e hue
machal rahī thī havāoñ meñ bū-e-ambar-o-būd

mirī namāz ki hai diid rū-e-nā-shusta
mirī namāz ki hai tauf-e-husn-e-ḳhvāb-ālūd

munhasir jis par azal se kārobār-e-naġhma hai
dard kī āñkhoñ meñ vo ḳhvāb-e-bahār-e-naġhma hai

kab ḳhvāb-kār-e-ishq meñ tai kar sakā koī
jitnī mirī bisāt thī utnā maiñ kar gayā

niim murda sī ḳhvāhisheñ aur mire
ḳhvāb jaage haiñ terī aahaT se

shikasta-ḳhvāb-o-shikasta-pā huuñ mujhe duāoñ meñ yaad rakhnā
maiñ āḳhirī jañg laḌ rahā huuñ mujhe duāoñ meñ yaad rakhnā

is aañkh meñ ḳhvāb-e-nāz ho jā
ai hijr kī shab darāz ho jā

bin dekhe us ke jaave rañj o azaab kyuuñ kar
vo ḳhvāb meñ to aave par aave ḳhvāb kyuuñ kar

ye atlas o kam-ḳhvāb dikhāte ho abas tum
shā.ir ko nahīñ chāhiye shohrat se ziyāda

vo ek aañkh kisī ḳhvāb kī tamannā meñ
vo ek ḳhvāb ki rakkhā huā sharāre par

sunā hai ḳhvāb mukammal kabhī nahīñ hote
sunā hai ishq ḳhatā hai so kar ke dekhte haiñ

band haiñ lab javāb meñ ghir gayā maiñ azaab meñ
aayā jo mere ḳhvāb meñ aisā burā tū kaun hai

raushnī aane vaale ḳhvāb kī hai
din to kab kā guzar chukā mujh meñ

ham jaisoñ kī niiñd thakāvaT hotī hai
ham jaisoñ ke ḳhvāb nahīñ hote bhaa.ī

shirk to ḳhvāb meñ bhī ham se nahīñ ho saktā
ham to yā-rab tirī qudrat pe bhī shak karte haiñ

gumāñ meñ bhī gumāñ lagtī hai ab to zindagī merī
nazar aatā hai ab vo ḳhvāb meñ bhī ḳhvāb sā mujh ko

haañ maiñ ne kabhī ḳhvāb meñ dekhī thī vo duniyā
'farhān' magar ab talak āñkhoñ meñ jalan hai

āvāz de rahā thā koī mujh ko ḳhvāb meñ
lekin ḳhabar nahīñ ki bulāyā kahāñ gayā

vo jagā kar ham ko sab ḳhush-manzarī le jā.egā
ḳhvāb kyā hai ḳhvāb kī tābīr bhī le jā.egā

na pūchh ḳhvāb zuleḳhā ne kyā ḳhayāl liyā
ki kārvāñ kā kan.āñ ke jī nikāl liyā