Tags-Khwab

pahle to rahe haqīqat-afroz
phir ḳhvāb-o-ḳhayāl ho ga.e ham

vo aalam ḳhvāb kā thā
so rahe the sab

hasīn ḳhvāb agar dil meñ ghar nahīñ kartā
tavīl raat se maiñ dar-guzar nahīñ kartā

lamha lamha pighal rahī hai hayāt
ḳhvāb kī yaḳh-zada chaTānoñ meñ

vus.at-e-shahr-e-tañg-dil sarmā kī sub.h-e-sard meñ
jaagī hai Dar ke ḳhvāb se sūrat-e-faqīr ke sabab

ḳhvāb kā intizār ḳhatm huā
aañkh ko niiñd se jagāte haiñ

mujassam ho ga.e sab ḳhvāb mere
mujhe merā ḳhazāna mil gayā hai

taaq thā ḳhvāb thā tanhā.ī thī tārīkī thī
raat ne sirf charāġhoñ ko chhupā.e rakkhā

ret kī tarah phisalte haiñ mirī āñkhoñ se
ḳhvāb aise bhī ḳhazīne meñ liye phirtā huuñ

maiñ us ke ḳhvāb se aage bhī us ko le jā.ūñ
magar vo baat ko apnī badalne vaalā hai

ḳhayāl-o-ḳhvāb kī ab rahguzar meñ rahtā hai
ajiib shaḳhs hai aksar safar meñ rahtā hai

ḳhvāb-e-tāza jagā.e āñkhoñ meñ
ham pe mausam kī ye navāzish kyoñ

ye rasm hai dīvār-o-dar-e-girya kī lekin
daryūza-gar-e-ḳhvāb to rone nahīñ detā

vo niiñd adhūrī thī kyā ḳhvāb nā-tamām thā kyā
maiñ jis ko soch rahā thā ḳhayāl-e-ḳhām thā kyā

na.e daur ke na.e ḳhvāb haiñ na.e mausamoñ ke gulāb haiñ
ye mohabbatoñ ke charāġh haiñ inheñ nafratoñ kī havā na de

yaad sahrā kī hujūm-e-shahr meñ
zindagī kā ḳhvāb bīmāroñ ke beach

dahlīz par jo ḳhvāb TuuTā hai
vo kal kā to nahīñ thā

ujāḌte hue vo kāñptā to hogā 'zubair'
vo ḳhvāb haath nahīñ ḳhuun se tarāshā hai

kyuuñ tire hijr ke manzar pe sitam Dhāte haiñ
zaḳhm bhī dete haiñ aur ḳhvāb bhī dikhlāte haiñ

log karte haiñ ḳhvāb kī bāteñ
ham ne dekhā hai ḳhvāb āñkhoñ se