Tags-Khwab

niiñd aatī hai magar ḳhvāb nahīñ aate haiñ
mujh se milne mire ahbāb nahīñ aate haiñ

koī ma.āl-e-mohabbat mujhe batāo nahīñ
maiñ ḳhvāb dekh rahā huuñ mujhe jagāo nahīñ

maiñ kaise vaar duuñ tujh par mire sitāra-e-shām
ye harf-e-ḳhvāb to ik chāñd kī amānat hai

maiñ ḳhāk-e-ḳhvāb palak se jhaTakne vaalā thā
patā chalā ki yahī hāsil-e-masāfat hai

vahī udhar hai vahī idhar hai vahī zabāñ par vahī nazar meñ
jo jāgtā huuñ to dhyān meñ hai jo so gayā huuñ to ḳhvāb meñ hai

ḳhvāb TuuTe paḌe haiñ sab mere
maiñ huuñ aur hairatoñ kā sāmāñ hai

maiñ ā.īna-e-dil ko sar-e-ḳhvāb hī toḌūñ
is dasht-e-shanāsā kā ye isrār huā hai

kis kis ke ta.āqub meñ bhaTaktī rahī āñkheñ
TuuTe hue ik ḳhvāb kī ta.abīr to dekho

laakh pardoñ meñ raheñ mujh se nihāñ roz-ba-roz
ḳhvāb meñ vo mujhe har shab ko nazar ā.eñge

ḳhvāb kyā thā jo mire sar meñ rahā
raat bhar ik shor sā ghar meñ rahā

usī ne zulmateñ phailā rakhī haiñ
asās-e-ḳhvāb par jis ko rakhā thā

chehre pe kyā azaab the aañkh meñ kitne ḳhvāb the
hoñT khulī kitāb the kahte the sab kahāniyāñ

un ko dāvā-e-yūsufī 'āsī'
ḳhvāb meñ bhī jo aa nahīñ sakte

jaanā to bahut duur hai mahtāb se aage
baḌhte hī nahīñ paañv tire ḳhvāb se aage

na-jāne kab se tirā intizār hai mujh ko
ki niiñd toḌ ke be-ḳhvāb rāstoñ meñ aa

tere dar se na uThā huuñ na uThūñgā ai dost
zindagī tere binā ḳhvāb hai afsāna hai

niiñd ke sahrā meñ paanī kī tarah gum ho gayā
maiñ ne us ko ḳhvāb meñ har samt DhūñDā raat bhar

niiñd kī komal fasīleñ āñdhiyoñ meñ bah ga.iiñ
maiñ ne apne ḳhvāb kī lāshoñ ko Dhoyā raat bhar

narm bistar par shikan kī kirchiyāñ bikhrī rahīñ
maiñ ne 'aslam' ik ajab sā ḳhvāb dekhā raat bhar

dayār-e-ḳhvāb se aage safar karne kā din hai
to kyā ye qissa-e-jāñ muḳhtasar karne kā din hai