Tags-Khwab

vo ḳhvāb thā bikhar gayā ḳhayāl thā milā nahīñ
magar ye dil ko kyā huā kyuuñ bujh gayā patā nahīñ

ḳhvāb-e-dīdār na dekhā ham ne
ġhā.ebāna unheñ chāhā ham ne

koh sañgīn haqā.eq thā jahāñ
husn kā ḳhvāb tarāshā ham ne

bahut ḳhvāb-e-ġhaflat meñ din chaḌh gayā
uTho sone vaalo phir aa.egī raat

us ne kaise samajh liyā ki mujhe
ḳhvāb meñ jāgne kī aadat hai

maiñ sat.h-e-sher pe ubhrā huuñ āftāb liye
ḳhulūs-e-fikr shu.ūr-e-nazar ke ḳhvāb liye

sukūn-e-jism to hāsil kabhī huā hī nahīñ
maiñ jī rahā huuñ tirī qurbatoñ ke ḳhvāb liye

mahsūs kar ke ham ne mohabbat kā har alam
ḳhvāb-e-subuk ko ḳhvāb-e-pareshāñ banā liyā

apnī āñkhoñ ke liye ḳhvāb kahāñ furqat meñ
ḳhvāb tum ne koī dekhā ho to ham se milnā

us kī āñkheñ ki ḳhvāb-e-hairat haiñ
kaifiyat un meñ dāstānī hai

us kī qāmat hai rashk-e-sarv-e-iram
chaal bas ḳhvāb kī ravānī hai

ab to nazreñ bhī churā letā hai
jo mujhe ḳhvāb dikhātā thā kabhī

bastī tamām ḳhvāb kī vīrān ho ga.ī
yuuñ ḳhatm shab huī sahar āsān ho ga.ī

maiñ ḳhvāb meñ kal raat jise chuum rahā thā
jaagā to usī haath meñ patthar nazar aayā

maiñ kyā karūñgā rah ke is jahān meñ
jahāñ pe ek ḳhvāb kī numū na ho

chāñdnī chhuptī hai takyoñ ke tale ā.ankhoñ meñ ḳhvāb
sone meñ un kā dupaTTa jo sarak jaatā hai

dil meñ ḳhushbū sī utar jaatī hai siine meñ nuur sā Dhal jaatā hai
ḳhvāb ik dekh rahā hotā huuñ phir ye manzar bhī badal jaatā hai

ḳhvāb kī gum-shuda ta.abīr huuñ maiñ ik ajab zabt kī tasvīr huuñ maiñ
phir bhī in barf sī āñkhoñ meñ kabhī koī ġham hai ki pighal jaatā hai

ḳhvāb us kā to haqīqat se ziyāda hai bahut
merī uljhan bhī mohabbat se ziyāda hai bahut

jo ḳhvāb zindagī kī haqīqat na ban sakā
us ke hasīñ fareb meñ aate chale ga.e