Tags-Khwab

misāl-e-ḳhvāb hamesha kisī safar meñ rahe
ham apnī niiñd meñ bhī us kī rahguzar meñ rahe

ye rog lagā hai jab se hameñ ranjīda huuñ maiñ bīmār hai vo
har vaqt tapish har vaqt ḳhalish be-ḳhvāb huuñ maiñ bedār hai vo

ummīd kī jhūTī jannat ke rah rah ke na dikhlā ḳhvāb hameñ
ā.inda kī farzī ishrat ke va.adoñ se na kar betāb hameñ

duniyā kā tamāshā dekh liyā ġhamgīn sī hai betāb sī hai
ummīd yahāñ ik vahm sī hai taskīn yahāñ ik ḳhvāb sī hai

ik sukūt-e-marg taarī thā chaman-zādoñ ke beach
mahv-e-ḳhvāb-e-ḳhush-dilī the misl-e-shab ḳhāmosh the

sub.h-e-hijrāñ bad-tar-az-shab-hā-e-hijrāñ haa.e haa.e
zindagī ik mustaqil ḳhvāb-e-pareshāñ haa.e haa.e

ye jo ḳhvāb meñ bhī hai ḳhvāb kaif-o-surūr kā
tire ishq kā hī kamāl hai tire ishq meñ

ḳhvāb kī sīḌhiyāñ
lamha lamha

āñkhoñ meñ vo aa.eñ to hañsāte haiñ mujhe ḳhvāb
har roz na.e baaġh dikhāte haiñ mujhe ḳhvāb

ab pyaar ke mausam kā hai āġhāz yaqīnan
naġhmāt na.e ḳhuub sunāte haiñ mujhe ḳhvāb

ho niiñd pe chhāyā huā jab fikr kā bādal
ik sair na.ī samt karāte haiñ mujhe ḳhvāb

us ziist kī talḳhī se to achchhī hai mirī niiñd
titlī kabhī phūloñ se milāte haiñ mujhe ḳhvāb

ik dard kā ehsās jagāne ke liye hī
phūloñ kī tarah ḳhaar ke aate haiñ mujhe ḳhvāb

milte haiñ dukhāne ko mirā dil hī ka.ī log
phir dard ke sahrā meñ sulāte haiñ mujhe ḳhvāb

vo log 'sabīla' ke jo bichhḌe haiñ safar meñ
aksar unhīñ kī yaad dilāte haiñ mujhe ḳhvāb

mere beTe kī nigāhoñ meñ haiñ kuchh ḳhvāb mire
zindagī us kī hai jiine kā sahārā merā

ḳhvāb aisā bhī nazar aayā hai akasr mujh ko
lagā jibrīl kā shahpar mirā bistar mujh ko

niiñd jab tak thī mirī āñkhoñ meñ mahfūz thā maiñ
qatl lamhoñ ne kiyā ḳhvāb se bāhar mujh ko

shikast-e-ḳhvāb-e-tarb-e-zā se hosh-mand huā
uThe jo haath to bāb-e-qubūl band huā

uTTheñge abhī aur bhī tūfāñ mire dil se
dekhūñgā abhī ishq ke ḳhvāb aur ziyāda