Tags-Khwab

tū ḳhvāb-e-digar hai tirī tadfīn kahāñ ho
dil meñ to kisī aur ko dafnāyā huā hai

tumhārī chāhat kī chāñdnī se har ik shab-e-ġham sañvar ga.ī hai
sunahrī poroñ se ḳhvāb-reze sameTtī har sahar ga.ī hai

aa hī ga.e haiñ ḳhvāb to phir jā.eñge kahāñ
ā.ankhoñ se aage un kī koī rahguzar nahīñ

guzar sakūñgā na is ḳhvāb ḳhvāb bastī se
yahāñ kī miTTī bhī zanjīr-e-pā hai mere liye

duniyā se guzarne ko abhī umr paḌī hai
ye ḳhvāb to kuchh din ko rukā hai mire dil meñ

mire hī ḳhvāb tamannā kī lau meñ jalte rahe
mirā hī aks sar-e-ā.īna dikhā.ī diyā

aañkh jaise hī jhapaktī hai hamesha kuchh ḳhvāb
kitne din ba.ad mayassar huī shab pūchhte haiñ

tumhāre hijr meñ āñkheñ hamārī muddat se
nahīñ ye jāntīñ duniyā meñ ḳhvāb hai kyā chiiz

be-ḳhvāb rāstoñ meñ ye ta.abīr-e-dard-e-dil
mil to ga.ī hai mujh ko magar der se milī

gayā hai jo bhī use rauñd kar gayā āḳhir
ye bāġh-e-ḳhvāb-numā pā.emāl rah gayā hai

ham pariyoñ ke chāhne vaale ḳhvāb meñ dekheñ pariyāñ
duur se ruup kā sadqa bāñTeñ haath na aa.eñ pariyāñ

ḳhvāb kise mālūm nahīñ haiñ lams kise mahbūb nahīñ
lekin jo tābīr na jaane us ko uuñgh bhī lenā aib

tire ba.ad bhī vahī Dhañg haiñ vahī naḳhl-soḳhta rañg haiñ
vahī intizār-e-tuyūr hai vahī barg-e-sabz ke ḳhvāb se

mashiyyat chāhtī thī mujh ko mahv-e-ḳhvāb meñ rakhnā
maiñ kyā kartā na rokī jā sakīñ añgḌā.iyāñ mujh se

pahle to rahe haqīqat afroz
phir ḳhvāb-o-ḳhayāl ho ga.e ham

ai raat ke añdhiyāre meñ jaage hue lamho
DhūñDo use vo ḳhvāb-e-pareshāñ kī tarah thā

saat samundar paar bhī āñkheñ mere saath na aa.iiñ
chāroñ jānib ḳhvāb haiñ mere aur parāyā shahr

ajiib nashsha hai hoshyār rahnā chāhtā huñ
maiñ us ke ḳhvāb meñ bedār rahnā chāhtā huñ

ik ḳhvāb ke asar meñ ka.ī din guzar ga.e
phir yuuñ huā ki aañkh khulī ham bikhar ga.e

ye ḳhayāl thā kabhī ḳhvāb meñ tujhe dekhte
kabhī zindagī kī kitāb meñ tujhe dekhte