Tags-Khwab

ye manzar be-dar-o-dīvār hotā
agar maiñ ḳhvāb se bedār hotā

vo āshnā nahīñ ḳhvāboñ kī ma.anaviyyat kā
hamāre ḳhvāb abhī us ke naam mat karnā

dekhnā chhoḌe nahīñ ḳhvāb mirī āñkhoñ ne
puurā har-chand koī ḳhvāb nahīñ ho paayā

jis kī ḳhvāhish meñ kisī baat kī ḳhvāhish na rahe
aisī jannat ke dikhā.e na koī ḳhvāb mujhe

lab band hī rakkho, nahīñ phir aur karegā
afsāna mire ḳhvāb ko ai ham-safarāñ talḳh

tilism-e-ḳhvāb huā paash paash kab kā magar
haqīqatoñ ko vo parchhā.iyāñ samajhtā hai

jo ḳhvāb parā.e des meñ tum nahīñ dekh sake
vo phuul

diyār-e-be-ḳhudī hai apne haq meñ gosha-e-rāhat
ġhanīmat hai ghaḌī bhar ḳhvāb-e-ġhaflat meñ basar honā

na vo hijr meñ rahīñ talḳhiyāñ na vo lazzateñ haiñ visāl meñ
na guzar tirā mire ḳhvāb meñ na maiñ gum huuñ tere ḳhayāl meñ

pukārte the barābar mujhe safar ke liye
matā-e-ḳhvāb savāroñ meñ baañT dī maiñ ne

niind bhī jāgtī rahī puure hue na ḳhvāb bhī
sub.h huī zamīn par raat Dhalī mazār meñ

aa.ina ā.īne meñ kyā dekhe
TuuT jaate haiñ ḳhvāb Takrā kar

yūñhī maiñ ḳhud ko ḳhvāb dikhāne meñ aa gayā
yūñhī maiñ ḳhud ko ḳhvāb dikhāne meñ jā.ūñgā

raat saarī ḳhvāb kī galiyoñ meñ ham chalte rahe
khiḌkiyāñ raushan thiiñ lekin band har darvāza thā

un papoToñ meñ ye pathrā.ī huī sī āñkheñ
jin meñ fardā kā koī ḳhvāb ujāgar hī nahīñ

ye ġhazab hai ki vo rūThā huā phirtā hai jo yaañ
ḳhvāb meñ bhī vahī sūrat nazar aa jaatī hai

ḳhvāb naddī sā guzar jā.egā
dasht āñkhoñ meñ Thahar jaanā hai

be-chainiyoñ meñ ġharq hai sarmāya-e-hayāt
tābīr-hā-e-ḳhvāb-e-pareshāñ hai zindagī

merī āñkhoñ pe us ne haath rakhā
aur ik ḳhvāb kī mahūrat kī

baham kaise hue haiñ dekhnā ḳhvāb aur ḳhushbū
guzarte mausamoñ kā āḳhirī tohfa khilā hai