Tags-Khwab

niind meñ khulte hue ḳhvāb kī uryānī par
maiñ ne bosa diyā mahtāb kī peshānī par

āḳhir-e-shab maiñ bhī khā kar ḳhvāb-āvar goliyāñ
chand lamhe nashsha-e-ġham se bahak kar so gayā

āḳhir is daur-e-pur-āshob kā har aadmī
ḳhvāb-e-mustaqbil ke jañgal meñ bhaTak kar so gayā

kuchh us kā husn thā kuchh zevaroñ kī zebā.ish
ye ḳhvāb thā use dekhe hue zamāna huā

ik ḳhvāb dekhne meñ hī ham sarf ho ga.e
añgār zindagī kā jalāyā nahīñ gayā

achchhe dinoñ kī aas meñ jaane kidhar ga.e
jitne the mere ḳhvāb suhāne bikhar ga.e

ḳhvāb āñkhoñ meñ liye din ke ujāloñ meñ chalūñ
shab ki soyā thā ki jaagā thā patā kuchh bhī nahīñ

nasīm-e-sub.h se shāḳheñ milīñ to maiñ samjhā
ki husn-e-ālam tiflī meñ nīm-ḳhvāb uThā

din meñ aane lage haiñ ḳhvāb mujhe
us ne bhejā hai ik gulāb mujhe

vo jin kī ḳhū se kal ik abr-e-tar ḳhvāb-e-mohabbat thā
unhī ko rakh diyā phir kyuuñ khule hāthoñ se mal-dal kar

dard kī kaun sī manzil se guzarte hoñge
ḳhvāb ke paañv zamīnoñ pe utarte hoñge

vasl ta.abīr ho nahīñ saktā
hijr kā ḳhvāb maar kar dekhā

shauq ke shahr-e-tamannā ke Thikāne guzre
raat phir zehn se kuchh ḳhvāb purāne guzre

donoñ se maiñ bach kar tere ḳhvāb-o-ḳhayāl se guzar gayā
dil kā sahrā ek taraf thā aañkh kā dariyā ek taraf

zehn rahtā hai badan ḳhvāb ke dam tak us kā
phir vahī rañj vahī ḳhema-e-ġham tak us kā

vo to jhoñke kī tarah aa ke guzar jaatā hai
dasht-e-jāñ us kā hai aur ḳhvāb-e-iram tak us kā

ik ḳhvāb ki jo aañkh bhigone ke liye hai
ik yaad ki siine meñ chubhone ke liye hai

yahāñ vahāñ haiñ ka.ī ḳhvāb jagmagāte hue
kahīñ kahīñ koī ta.abīr TimTimātī huī

mujhe jo shaḳhs qalandar dikhā.ī detā hai
vo mere ḳhvāb ke andar dikhā.ī detā hai

tum se mile to shahr-e-tamannā kitnā phail gayā
kyā kyā ḳhvāb na.e tāmīr hue tābīroñ se