Tags-Khwab

merī āñkhoñ meñ ḳhvāb haiñ tere
terī āñkhoñ meñ kaun rahtā hai

kal raat jagātī rahī ik ḳhvāb kī duurī
aur niiñd bichhātī rahī bistar mire aage

jaane kyā dekhā thā terī āñkhoñ meñ
jaane kyuuñ ab ḳhvāb suhāne aate haiñ

ḳhvāb the mere kuchh suhāne se
aap ko kyā milā miTāne se

maiñ ne chhoḌā jo paTāḳha to burā maan ga.e
ḳhvāb-e-ġhaflat se jagāyā to burā maan ga.e

chashm-e-be-ḳhvāb meñ hai ḳhvāb kī sūrat ik shaḳhs
ḳhud se ġhāfil bhī hai aur mahv-e-ḳhud-ārā.ī bhī

bas ek ḳhvāb kī duurī pe thā vo shahr jahāñ
maiñ apne naam kā sikka chalāne vaalā thā

maiñ ḳhvāb nahīñ aap kī āñkhoñ kī tarah thā
maiñ aap kā lahja nahīñ uslūb rahā huuñ

jaane is kurra-e-tārīk meñ hai nuur kahāñ
jaane kis aañkh meñ hai ḳhvāb tirā dhartī par

tū mirā ḳhvāb hai ādarsh hai lekin mujh ko
tere is qasr-e-tarab-nāk se jaanā hogā

ḳhvāb meñ jab se dekhā us ko chain nahīñ hai āñkhoñ meñ
saarī raat musalsal kaaTī ḳhvāb kā rasta bhuul gayā

so ga.e ham to ham-āġhosh hue ḳhvāb meñ vo
ab to karne lage kuchh kuchh vo lagāvaT ham se

āñkhoñ meñ raat ḳhvāb kā ḳhanjar utar gayā
ya.anī sahar se pahle charāġh-e-sahar gayā

aarzū ḳhvāb dil-lagī va.ada
in gharoñdoñ pe kuchh bharosā kyā

jahāñ chāroñ taraf bāġh-o-gulistāñ lahlahāte haiñ
shagufta vādiyoñ meñ jannatoñ ke ḳhvāb aate haiñ

bujhī bujhī hai sadā-e-naġhma kahīñ kahīñ haiñ rabāb raushan
Thahar Thahar ke gire haiñ aañsū bikhar bikhar ke haiñ ḳhvāb raushan

ajab hī ḳhvāb dikhā.ī diyā mujhe 'mohsin'
kal āftāb kī mayyat uThā rahā thā maiñ

ujḌī ujḌī ḳhvāb kī bastī sahrā sahrā āñkheñ merī
jaane ye tūfān kahāñ se aaj uThā hai mere andar

zulf ke saa.e ḳhvāb kī manzil raas use kyā aa.egī ab
sahrā sahrā ḳhaak jo kab se chhān rahā hai mere andar

maiñ ne ta.abīr ko tahrīr meñ aane na diyā
ḳhvāb likhte hue mohtāj-e-bashārat likhkhā