Tags-Khwab

bikhar kar rah gayā hamsā.egī kā ḳhvāb hī varna
diye is ghar meñ raushan hoñ to us ghar meñ dhuāñ kyuuñ ho

falak sahrā samundar boltā hai
tilism-e-ḳhvāb shab-bhar boltā hai

parinde ab nahīñ manzar guzārne vaale
hazār ḳhvāb sajā.eñ fazāoñ meñ āñkheñ

likhā to hai mirī be-ḳhvāb sī in āñkhoñ meñ
maiñ apne-āp ko duniyā se rā.egāñ le jā.ūñ

nazar aatā hai jis meñ ishrat-e-māzī kā mustaqbil
mujhe is ḳhvāb-e-ġhamgīñ se jagāne kaun aatā hai

ajnabī kis ḳhvāb kī duniyā se aa.e ho
thake lagte ho

kitāb-e-ārzū ke gum-shuda kuchh baab rakkhe haiñ
tire takiye ke nīche bhī hamāre ḳhvāb rakkhe haiñ

usī ko sauñp diyā ham ne munsifī kī zamām
ki jis ke ḳhvāb meñ bhī aks-e-ġhāsbiyyat hai

use phūloñ ne merī yaad meñ betāb dekhā hai
sitāroñ kī nazar ne raat bhar be-ḳhvāb dekhā hai

ḳhvāb meñ kal shab
merā buḌhāpā

saa.e se saayā guzartā huā mahsūs huā
ik ajab ḳhvāb kī hairat meñ mile haiñ tujh se

mujhe Dar thā jis kā vahī huā mirī aañkh khulte hī jhaḌ gayā
tirī palkoñ par mire vasl kā thā jo ek ḳhvāb sajā huā

aañch aatī hai sitāroñ se jo kuchh pichhle pahar
ḳhvāb-e-shīrīñ se nigāroñ ko jagā detī hai

ḳhayāl-o-ḳhvāb kī duniyā se istifāda kiyā
hunar samajh ke isī kaam ko ziyāda kiyā

ki jin kā chashm-e-nazāra tavāf karne lage
kuchh aise naqsh bhī dīvār-e-ḳhvāb meñ rakhnā

bahut sajā.e the āñkhoñ meñ ḳhvāb maiñ ne bhī
sahe haiñ us ke liye ye azaab maiñ ne bhī

ḳhvāb meñ 'joshish' vo aa.e kis tarah
āshiq-e-be-tāb sotā hī nahīñ

dekh 'ārzū' ye ronā shāna hilā hilā kar
tū aaj ḳhvāb meñ hai aur vo jagā rahe haiñ

ḳhayāl thā ki gumāñ ko yaqīñ banā dūñgā
aur ab ye ḳhvāb likhūñgā bhī to miTā dūñgā

ai raat ke añdhiyāre meñ jaage hue lamho!
DhūñDo use vo ḳhvāb-e-pareshāñ kī tarah thā