Tags-Khwab

shab bhar aane vaale din ke ḳhvāb buno
din bhar fikr-e-shab-bedārī kiyā karo

ḳhvāb lapeTe sote rahnā Thiik nahīñ
fursat ho to shab-bedārī kiyā karo

din ko mismār hue raat ko tāmīr hue
ḳhvāb hī ḳhvāb faqat ruuh kī jāgīr hue

badle na karvaTeñ bhī koī farsh-e-ḳhvāb par
ġham se taḌap taḌap ke saverā kare koī

ḳhumār-e-ḳhvāb utarne meñ thoḌī der lagī
phir us ke baad baḌe shauq se nazāra kiyā

hastī meñ ham ne aa kar āsūdgī na dekhī
khultīñ na kaash āñkheñ ḳhvāb ḳhush adam se

hazār ḳhvāb the āñkhoñ meñ lāla-zāroñ ke
milī saḌak pe to bād-e-sabā se kuchh na kahā

pahlī cigarette pahlā ḳhvāb aur pahlā ishq
in tīnoñ meñ ek bhī mujh ko yaad nahīñ

mujhe ik ḳhvāb likhnā hai
kahīñ schōl se bhāge

is tarah shafaq ko niiñd aa.ī
ehsās ko ḳhvāb aa rahā hai

chāhatoñ ke ḳhvāb kī ta.abīr thī bilkul alag
aur jiinā paḌ rahī hai zindagī bilkul alag

safed rut meñ gulāb hāthoñ se saat rañgoñ ke ḳhvāb chuntī
kapās chunñe ko aa.ī laḌkī kā dhyān thoḌī kapās par hai

us kī buniyād meñ ik ḳhām-e-ḳhayālī hai 'na.īm'
shahr jo ḳhvāb meñ ta.amīr kiye jaatā huuñ

gaañv se jo ḳhvāb uThā kar niklā thā
shahr meñ aa kar bhuul gayā pagDanDī ko

ik na.e naam se phir apne sitāre uljhe
ye nayā khel na.e ḳhvāb kā baanī niklā

ḳhudā kā shukr ki aahaT se ḳhvāb TuuT gayā
maiñ apne ishq meñ nākām hone vaalā thā

so rahe haiñ kisī ke pahlū meñ
aur tirā ḳhvāb gungunā rahe haiñ

paañv kahte haiñ tire kūche meñ aa kar zo.af se
tū girā de aur maiñ ḳhvāb-e-girāñ paidā karūñ

kam raushan ik ḳhvāb ā.īna ik piilā murjhāyā phuul
pas-manzar ke sannāTe meñ ek nadī pathrīlī sī

yaad kā kaun sā aalam hai ki maiñ martā huuñ
aur zinda hai mirā ḳhvāb-e-farāmoshī bhī