Tags-Khwab

pahle zamīn ḳhaak huī thī ba-sad-niyāz
shab bhar phir āsmān jalā thā so ḳhvāb thā

ik nahr thī jo chīḳh rahī thī bahāv se
lashkar kanār-e-āb khaḌā thā so ḳhvāb thā

bastī kā chashm-dīd akelā gavāh huuñ
kal mere ās-pās ḳhudā thā so ḳhvāb thā

Duubī zavāl-e-shām ke hamrāh har ummīd
palkoñ se TuuT kar jo girā thā so ḳhvāb thā

dil ko yaqīñ na zehn ke hadd-e-qayās meñ
jo vāqi.a 'mujībī' huā thā so ḳhvāb thā

dasht meñ vo rāh-rau kā ḳhvāb the
ghar meñ kaise paañv dharte sabz peḌ

maiñ ik ḳhvāb huuñ terā dekhā huā huuñ
tū ik niiñd hai mujh meñ soī paḌī hai

jis se ta.abīr kī ik iiñT uThā.ī na ga.ī
ḳhvāb ke shahr kī buniyād banā phirtā hai

tasavvurāt kī kircheñ sameT kar ek ik
burīda ḳhvāb kī tafsīr kar rahā huuñ maiñ

ik ālam-e-ḳhvāb ḳhalq par taarī hai
ye ḳhvāb meñ kārḳhāna sab jaarī hai

talab kareñ to ye āñkheñ bhī in ko de duuñ maiñ
magar ye log in āñkhoñ ke ḳhvāb māñgte haiñ

koh sañgīn haqā.eq thā jahāñ
husn kā ḳhvāb tarāshā ham ne

itnā mānūs bhī hone kī zarūrat kyā thī
kabhī is ḳhvāb se mumkin hai nikalnā paḌ jaa.e

kab sub.h ke naale kaam aa.e kyā girya-e-nīm-shabī se milā
is qarya-e-ḳhvāb-e-faroshāñ meñ tum kis ke liye bedār hue

ḳhvāb meñ ik hasīñ dikhā.ī diyā
vo bhī parda-nashīñ dikhā.ī diyā

fajar uTh ḳhvāb siiñ gulshan meñ jab tum ne malī añkhiyāñ
ga.iiñ muñd sharm suuñ nargis kī pyāre juuñ kalī añkhiyāñ

is ke saa.e meñ mire ḳhvāb dahak uTTheñge
mere chehre pe chamaktā huā āñchal kar do

ḳhvāb meñ bhī nazar aa jaa.e jo ghar kī sūrat
phaaḌ khā.eñ tire darbāñ sag-e-dar kī sūrat

kyā nigāhoñ ne koī ḳhvāb sajāyā na kabhī
kyā kisī ko bhī qarīb apne bulāyā na kabhī

jab se vo sun chuke haiñ ki ham ḳhvāb meñ chale
nīchī nigāh bhī nahīñ karte hayā ke saath