Tags-Khwab

jis kī tābīr atā kar de mujhe vo zulfeñ
kaun kahtā hai ki vo ḳhvāb hai dīvāne kā

ḳhvāb mere churā liye us ne
jis ko maiñ ne udhār diiñ āñkheñ

kyā kyā na ḳhvāb jāgtī āñkhoñ meñ the magar
ai dil kī lahr raat kahāñ jaane tū rahī

kisī kī ḳhush-rañg guftugū kī miThās sheroñ meñ Dhal ga.ī hai
hamārī āñkhoñ ke ḳhvāb-dāñ se tumhārī sūrat nikal ga.ī hai

jo manzil bhī raah meñ aa.ī dil kā bojh banī
vo us kī ta.abīr na thī jo ḳhvāb hamārā thā

shīshe se bhī nāzuk haiñ inheñ chhū ke na dekho
aisā na ho āñkhoñ ke hasīñ ḳhvāb bikhar jaa.eñ

ik na ik din to unheñ TuuT bikharnā hogā
ḳhvāb phir ḳhvāb haiñ ḳhvāboñ ko sajāte kyuuñ ho

achchhe dinoñ kī aas lagā kar maiñ ne ḳhud ko rokā hai
kaise kaise ḳhvāb dikhā kar maiñ ne ḳhud ko rokā hai

na vahm hai na gumāñ hai na ḳhvāb hai na ḳhayāl
maiñ chal rahā huuñ mire saath saath dariyā hai

shāyad tumheñ khoī huī jannat kahīñ mil jaa.e
dekho mirī in āñkhoñ meñ ḳhvāb utre haiñ kitne

khulā makān hai har ek zindagī 'āzar'
havā ke saath darīchoñ se ḳhvāb aate haiñ

qaid haiñ ḳhvāb ik parinde ke
pinjre kī samt dekhtā kyā hai

titliyāñ phuul yā parī-chehre
ḳhvāb meñ koī dekhtā kyā hai

batāo is meñ bhī us kā koī ḳhasāra hai
vo shahr-e-ḳhvāb abhī mere naam kar degī

kashtiyāñ mauj-e-havādis se na Takrā.eñ kahīñ
nāḳhudā kā ḳhvāb jaise tishna-e-ta.abīr hai

zamāna karvaToñ par karvaTeñ letā hai aur 'mullā'
tirī ab tak vo ḳhvāb-āvar ġhazal-ḳhvānī nahīñ jaatī

zulf barham hai dil āshufta sabā āvāra
ḳhvāb-e-hastī sā nahīñ ḳhvāb pareshāñ koī

dayār-e-ḳhvāb hai aao yahīñ qayām kareñ
yahāñ se yuuñ bhī nikalne kā rāsta hī nahīñ

chal chalā jā.ūñ tujhe le kar maiñ
phir kisī ḳhvāb-nagar bāteñ kar

sajā.e ḳhvāb āñkhoñ meñ
sahar se shaam tak