Tags-Khwab

bas duā hai ki ilāhī ye koī ḳhvāb na ho
koī saaya mire saa.e ke barābar aayā

yahī shakl hai jise dekho ho yahī vaz.a hai jise ghūro ho
jise jaan kahte haiñ aadmī use dekhā ālam-e-ḳhvāb meñ

is bahāne se maiñ kuchh ḳhvāb sunahre kartā
kam se kam shahr meñ tum sā koī pyārā hotā

yuuñ uTh gayā etibār-e-hastī
maiñ ḳhud koī ḳhvāb ho gayā huuñ

dekhā hai bahut ḳhvāb-e-mulāqāt bhī har-ros
hisse meñ jo ab aa.ī hai tanhā.ī hamāre

haqīqatoñ se mafar chāhī thī 'yashab' maiñ ne
par asl asl rahā aur ḳhvāb ḳhvāb rahā

ḳhvāb bātil bhī to hote haiñ tan-āsānoñ ke
sa.ī-e-mashkūr bhī hotī hai girāñ-jānoñ kī

maiñ to ik ḳhvāb ko āñkhoñ meñ liye phirtā thā
ye sitāra mire pahlū meñ kahāñ se aayā

tapte sahrā meñ tez bārish ke
maiñ ne kitne hī ḳhvāb dekhe haiñ

matā-e-jāñ hai jo us ek ḳhvāb kā hāsil
sulagtī aañkh meñ neze kā zā.iqa Thahrā

na koī ḳhvāb na manzar na koī pas-manzar
kitnā achchhā ho jo bachpan kī fazā lauT aa.e

apne āñgan meñ koī peḌ lagā tulsī kā
shāyad is tarah se phir ḳhvāb tirā lauT aa.e

ek maddham sī kiran ne yak-ba-yak
ḳhvāb ko mere sunahrā kar diyā

bīnā.ī bhī apnī merī
ḳhvāb bhī mere apne haiñ

maiñ jin ke ham-rāh chal rahā huuñ vo sab isī ḳhaak kī numū haiñ
magar jo mere vajūd meñ hai vo ḳhvāb hai aur hī kahīñ kā

jo mere ḳhuuñ meñ bhaḌak rahī hai vo mish.al-e-ḳhvāb hai kahāñ kī
jo merī āñkhoñ meñ bas gayā hai vo chāñd hai kaun sī jabīñ kā

ḳhvāb aur tamannā kā kyā hisāb rakhnā hai
ḳhvāhisheñ haiñ sadiyoñ kī umr to zarā sī hai

zindagānī-o-marg bhī kyā haiñ
ek misl-e-ḳhayāl-o-dīgar-e-ḳhvāb

kaisī tābīr kī hasrat ki 'ziyā' barsoñ se
nā-murād āñkhoñ ne dekhā hī nahīñ ḳhvāb koī

bas ek baar mirī niiñd chhū gayā koī
phir is ke ba.ad har ik ḳhvāb-e-dil-nashīñ aayā