Tags-Khwab

ye kū-e-ḳhāk hai yā phir dayār-e-ḳhvāb koī
zamīn hai ki zamāñ hai mujhe nahīñ mālūm

bichhḌe hue ḳhvāb aa ke pakaḌ lete haiñ dāman
har rāsta parchhā.iyoñ ne rok liyā hai

Duub jaatā hai judā.ī kī shafaq meñ din ko
ufuq-e-ḳhvāb se shab ko ubhar aatā hai koī

kyuuñ bhaTaktā huuñ ġhalat rāhoñ meñ
ḳhvāb meñ us kā pata le jā.ūñ

daf.atan kis ne jagā dī mirī soī qismat
merā muñh chuum liyā ḳhvāb meñ 'afsar' kis ne

ḳhvāb dekhā thā mohabbat kā mohabbat kī qasam
phir isī ḳhvāb kī tābīr meñ masrūf thā maiñ

pairahan meñ kyā samā saktā habāb-e-jāñ-ba-lab
hasti-e-mauhūm kā ḳhvāb-e-pareshāñ dekh kar

shab vahī hai jamāl-e-ḳhvāb vahī
aañkh apnī lagī rahegī abhī

ulfat ko miTāne ke dar pe duniyā aur maiñ is soch meñ huuñ
ulfat na rahegī jab baaqī ḳhvāb-e-dil-e-insāñ kyā hogā

bharī rahe abhī āñkhoñ meñ us ke naam kī niind
vo ḳhvāb hai to yūñhī dekhne se guzregā

apne āñchal pe sitāroñ se mirā naam na likh
maiñ tirā ḳhvāb huuñ palkoñ meñ sajā le mujh ko

niiñd ko DhūñD ke laane kī davā.eñ thiiñ bahut
kaam mushkil to koī ḳhvāb hasīñ DhūñDhnā thā

mujhe to jo bhī milā hai azaab kī sūrat
mirī hayāt hai ik tishna ḳhvāb kī sūrat

hausla thā yā karam ho ki vafādārī ho
ham ne ulfat meñ ka.ī ḳhvāb suhāne dekhe

sannāTe kā aalam qabr meñ hai hai ḳhvāb-e-adam ārām nahīñ
imkān-e-numūd-e-sub.h nahīñ ummīd-e-charāġh-e-shām nahīñ

phir aañkh kabhī khulne kī nahīñ niiñd aa.egī ik din aisī hameñ
honā hai yahī soche haiñ jo ham ye ḳhvāb-o-ḳhayāl-e-ḳhām nahīñ

is tarah bhī badalte haiñ nazroñ ke zāviye
ḳhud ḳhvāb hī ne ḳhvāb kī ra.anā.ī chhīn lī

bahut ḳhvāb-e-ġhaflat meñ din chaḌh gayā
uTho sone vaalo phir aa.egī raat

ḳhvāhisheñ ḳhvāb dikhātī haiñ tire milne kā
ḳhvāb se kah de ki ta.abīr kī sūrat aa.e

kal zindagī ke ḳhvāb kī ta.abīr mil ga.ī
thī jis kī mujh ko justujū vo hiir mil ga.ī