Tags-Khwab

ḳhvāb sahī gar naqsh-e-ālam
insāñ aatā jaatā to hai

tujh se milūñgā phir kabhī ḳhvāb-o-ḳhayāl bhī nahīñ
chehre pe in dinoñ magar gard-e-malāl bhī nahīñ

yaad ke so.e hue qāfile jaag uThte haiñ
ḳhvāb ke kuchh na.e unvān nikal aate haiñ

kiran Thahrī nahīñ hai ḳhvāb ke parde meñ bhī aakar
khulī hī rah ga.ī thiiñ ḳhvāb meñ bhī khiḌkiyāñ shāyad

kānoñ meñ ik sargoshī hai be-ma.anī sī sargoshī
āñkhoñ meñ kuchh ḳhvāb saje haiñ ḳhvāb bhī umr-rasīda haiñ

us ko parvā hī nahīñ hai ki vo kis haal meñ hai
maiñ hī mahjūb huā ḳhvāb kī uryānī par

rah-e-duniyā meñ Thaharnā to nahīñ thā dil ko
mil gayā hogā koī ḳhvāb purānā sar-e-rāh

ye maanā ḳhvāb hai ai zaḳhm-e-nau terī ḳhalish lekin
yahāñ pahle hī ik mela lagā hai kyā kiyā jaa.e

chashmak-e-sharar ban kar har faroġh-e-musta.ajal
is aziim vus.at ke ḳhvāb-nāk siine meñ

'sabā' ye un se kaho ki mujh pe navāzisheñ be-hisāb likhnā
mire muqaddar meñ niiñd likhnā na raat likhnā na ḳhvāb likhnā

maiñ dariyā meñ apne ḳhvāb Daal dūñgā
unheñ merī zarūrat nahīñ

āmad-e-yār kī ummīd na chhoḌ
dekh ai aañkh mail-e-ḳhvāb na kar

chand mub.ham ḳhvāb āñkhoñ meñ liye phirtā huuñ maiñ
aur kyā mere liye zād-e-safar rakkhā gayā

vo ḳhvāb aise the ta.abīr in kī thī hī nahīñ
ramīda hijr gurezāñ visāl hairat hai

mub.ham se ek ḳhvāb kī ta.abīr kā hai shauq
nīndoñ meñ bādaloñ kā safar tez abhī se hai

ye dāman-e-hasrat hai vahī ḳhvāb-e-gurezāñ
jo apne liye hai na zamāne ke liye hai

ḳhvāb ke rañg dil-o-jāñ meñ sajā.e bhī ga.e
phir vahī rañg ba-sad taur jalā.e bhī ga.e

vo shahr-e-ḳhvāb se guzrā to daf.atan mujh ko
haqīqatoñ ke badalne kā ehtimāl huā

saañp par paañv aa gayā merā
ḳhvāb meñ dekhtī thī maiñ tum ko

jāgne vāloñ kī bastī se guzar jaate haiñ ḳhvāb
bhuul thī kis kī magar ilzām rātoñ par lagā