Tags-Khwab

zulmat-e-ġham se itne hirāsāñ na ho kaun mushkil hai yaaro jo āsāñ na ho
ye garāñ-ḳhvāb lamhe bhī kaT jā.eñge raat Dhal jā.egī din nikal aa.egā

shabāb aa gayā us par shabāb se pahle
dikhā.ī dī mujhe ta.abīr ḳhvāb se pahle

aur bad-rañg sī chādar pe vo baiThā huā shaḳhs
ḳhvāb meñ boltā jaatā thā siyah baasī lafz

āñkhoñ kī andhī ḳhud-ġharzī kaahe ko samajhne degī kabhī
jo niiñd uḌā de rātoñ kī vo ḳhvāb meñ aanā kyā jaane

dekhte dekhte jab maut sitāre kī huī
phir koī sub.h kahāñ ḳhvāb ke maare kī huī

man.a hai bas ki ḳhur-o-ḳhvāb hameñ ġham meñ tere
mar ke sone na diyā zahr bhī khāne na diyā

asīr-e-ḳhvāb na.ī justujū ke dar kholeñ
havā pe haath rakheñ aur apne par kholeñ

jo ḳhvāb dekhnā ta.abīr khojnā ho kabhī
to pahle raat ke lipTe hue bhañvar kholeñ

na faqat yaar bin sharāb hai talḳh
aish o ārām o ḳhurd o ḳhvāb hai talḳh

maiñ Dūbne gayā to kinārā pukār uThā
ye ḳhvāb to nahīñ hai pa sāhab idhar kidhar

juz ijz kyā karūñ ba-tamannā-e-be-ḳhudī
tāqat harīf-e-saḳhtī-e-ḳhvāb-e-girāñ nahīñ

ham to is arsa-e-hastī meñ jhulaste hī rahe
na huā dhuup meñ ik ḳhvāb kā bādal rakhnā

kahānī kā ye hissa ab bhī koī ḳhvāb lagtā hai
tirā sar par biThā lenā mirā dastār ho jaanā

ik ḳhauf hai ki hone hī vaalā hai jā-guzīñ
ik ḳhvāb hai ki sab se judā hone vaalā hai

sher vo likkho jo pahle kahīñ maujūd na ho
ḳhvāb dekho to zamāne se alag ho jaao

shab se ḳhā.if hai niiñd kī titlī
ḳhvāb dast-e-hinā kī qaid meñ hai

hijr kī umr baḌhī hai to ham un āñkhoñ ko
ab kisī ḳhvāb-nagar meñ nahīñ jaane deñge

is ḳhvāb ke māhaul meñ be-ḳhvāb haiñ āñkheñ
jab niiñd bahut aa.egī bistar na milegā

ḳhvāb o ta.abīr-e-be-nishāñ maiñ thā
ek rūdād-e-rā.egāñ maiñ thā

ḳhvāb kam-ḳhvābī meñ larzāñ
baal o par meñ sard-nishtar