Tags-Khwab

ḳhvāb meñ manzar rah jaatā hai
takiye par sar rah jaatā hai

mirā zauq-e-nazar ab us maqām-e-āshiqī par hai
jahāñ uljhā huā hai husn bhī ḳhvāb-e-pareshāñ meñ

mirī misāl to aisī hai jaise ḳhvāb koī
mirā vajūd samajh lījiye adam jaise

ḳhvāb-e-dīdār na dekhā ham ne
ġhā.ebāna unheñ chāhā ham ne

koh sañgīn haqā.eq thā jahāñ
husn kā ḳhvāb tarāshā ham ne

safar meñ ab bhī ādatan sarāb dekhtā huuñ maiñ
qarīb-e-marg zindagī ke ḳhvāb dekhtā huuñ maiñ

kāmanī ḳhvāb kī lau meñ hañstī huī kāmanī
sola baras kī taqvīm meñ fasl-e-gul kā koī tazkira

ālam-e-ḳhvāb sahī ḳhvāb meñ chalte rahiye
raat kaT jā.egī karvaT to badalte rahiye

zindagī silsila-e-ḳhvāb-e-tamannā hai koī
raat bhar ḳhvāb ko ḳhvāboñ se badalte rahiye

dasht-e-āġhosh meñ ram-ḳhurda chikārā dekheñ
ye hasīñ ḳhvāb bhī ik roz qazārā dekheñ

vo jis ke naam se raushan the mustaqbil ke sab ḳhvāb
vahī chehra hameñ nā-mo'tabar kyuuñ lag rahā hai

mat baḳht-e-ḳhufta par mire hañs ai raqīb tū
hogā tire nasīb bhī ye ḳhvāb dekhnā

chashm-e-shafaq thī ḳhūñ-nashīñ chehra-e-shab thā teġh-e-tez
ḳhvāb paḌe the taar taar sabr-o-qarār kis ko thā

ḳhvāb meñ bhī yaar tak mumkin na thā daḳhl-e-raqīb
jin dinoñ apnā ḳhayāl aḳhbār kā harkāra thā

DhūñDoge agar mulkoñ mulkoñ milne ke nahīñ nāyāb haiñ ham
jo yaad na aa.e bhuul ke phir ai ham-nafaso vo ḳhvāb haiñ ham

bojhal to maiñ kuchh aur bhī rahtā huuñ raat din
sāmān-e-ḳhvāb raat ko Dhone ke bāvajūd

faqat ik ḳhvāb ho kar rah gayā hai
adhūre ḳhvāb kī ta.abīr honā

TuuTā yaqīn zaḳhmī umīdeñ siyāh ḳhvāb
kyā le ke aaj sū-e-sahar jā.egī ye shaam

suunī kar Daalī hai bastī ḳhvāb-nagar kī
kal tak jo dariyā bahtā thā ḳhushk huā hai

zarā dar pe us ke pahuñch ke ham jo bulāveñ us ko to dosto
kabhī ġhussa hai kabhī chheḌ hai kabhī hiila hai kabhī ḳhvāb hai