Tags-Kitab

ik kitāb chāñd aur peḌ sab ke kaale collar par
zehn tape kī gardish muñh meñ totoñ kī bolī

chaa.e kī pyālī meñ niilī tablet gholī
sahme sahme hāthoñ ne ik kitāb phir kholī

vo kaun thā jo mirī zindagī ke daftar se
hurūf le gayā ḳhālī kitāb chhoḌ gayā

bilkul durust hote hue fail ho gayā
maiñ ne javāb naql kiyā thā kitāb se

har ik qayās haqīqat se dūr-tar niklā
kitāb kā na koī dars mo'tabar niklā

kāġhaz meñ dab ke mar ga.e kiiḌe kitāb ke
dīvāna be-paḌhe-likhe mash.hūr ho gayā

vahī phir yak-qalam mansūḳh huuñ maiñ
kitāb-e-ishq jaarī ho rahī hai

kitāb-e-umr bharī jā rahī hai lekin kyuuñ
na koī lafz na chehra purānā hotā hai

kabhī jo āñkhoñ ke aa gayā āftāb aage
tire tasavvur meñ ham ne kar lī kitāb aage

yahī vo 'mānī' hai salmā-e-gonDvāna tirā
jo faiz-e-ruḳh se tire sāhib-e-kitāb bhī hai

ik ishq meñ likh likh kar kaaTā har lafz kitāb-e-hastī kā
kar Daalā usī ne zer-o-zabar jo kaam lage thā āsāñ bhī

khulī kitāb ke safhe ulaTte rahte haiñ
havā chale na chale din palaTte rahte haiñ

vo ik kitāb ga.ī thī diloñ se tāqoñ par
ab aisī duur huī hai ki taaq par bhī nahīñ

chhupānā kyā ek kā thā manzūr aaj tak haiñ jo chaar mash.hūr
zabūr tauret mus.haf injīl pāñchvīñ hai kitāb-e-āriz

janāb-e-'mā.il' ye kūdak-e-dil butoñ kī ulfat meñ hogā kāmil
paḌhāo qur.āñ ke badle is ko bayāz-e-gardan kitāb-e-āriz

aa gayā āḳhir kitāb-e-ishq kā anjām bhī
duur tak bikhrā huā manzar hai pahle baab kā

juz ishq jañg-e-dahr se mat paḌh ki ḳhush haiñ ham
us qisse kī kitāb meñ us dāstān se

haiñ sabaq-āmoz aurāq-e-kitāb-e-gul magar
juz fareb-e-rañg-o-bū kuchh un ke dāman meñ nahīñ

jis meñ marqūm thā vafā kā sabaq
phir vo le kar kitāb aa.e the

zarā to soch kar itnā hī kar liyā hotā
mujhe kitāb samajh kar hī paḌh liyā hotā