Tags-Kitab

khulī kitāb thī phūloñ-bharī zamīñ merī
kitāb merī thī rañg-e-kitāb us kā thā

mirī kitāb ke aurāq sab tumhāre haiñ
jahāñ se dekho tirā iqtibās rahtā hai

vo phuul ho sitāra ho shabnam ho jhiil ho
terī kitāb-e-husn ke sab iqtibās the

bahār aa.ī kar ai bāġhbāñ gulāb qalam
ki likkhe vasf-e-ruḳh-e-yār kī kitāb qalam

'shanās' khol diye jis ne ham pe sab asrār
vo ek lafz milā hai kitāb se bāhar

ā.īna-e-nigāh meñ ta.alīm aur thī
bar-aks ho gayā jo likhā thā kitāb meñ

kitāb ziist meñ bāb-e-alam bhī ho mahfūz
siyāh-rāt kā manzar sahar meñ rakkhā jaa.e

kitāb-e-husn hai tū mil khulī kitāb kī tarah
yahī kitāb to mar mar ke maiñ ne azbar kī

vo jis pe zikr hai qaul-o-qasam aur ahd-o-paimāñ kā
kitāb-e-zindagī ke is varaq ko moḌ denā thā

idhar udhar se kitāb dekhūñ
ḳhayāl sochūñ ki ḳhvāb dekhūñ

mauj-e-balā dīvār-e-shahr pe ab tak jo kuchh likhtī rahī
merī kitāb-e-zīst ko paḌhiye darj haiñ sab sadmāt ke naam

kitāb-e-dīn kī takmīl ho chukī 'mohsin'
zamīñ pe bhej chukā āḳhirī payambar vo

harf-e-tāza varaq varaq likkhūñ
saada dil kī kitāb bhī dekhūñ

maiñ payambar nahīñ huuñ tauba
aañkh dī hai kitāb bhī de

varaq jab ulTe kitāb-e-mausam dikhā.e kyā kyā
gulāb aariz badan sunahre havā na Thahre

ham ko yaqīñ hai aap ko dil kī kitāb meñ
ik an-likhe sā naam hamārā zarūr hai

ḳhat ke purze paḌe the kamre meñ
ik purānī kitāb bhī vā thī

ye hāshiye tire gumrāh kar rahe the mujhe
kitāb-e-zīst so maiñ tere nas meñ lauT aayā

mānind-e-kahkashāñ ye miTātī hai tīrgī
paḌh kar kitāb-e-ishq ko raushan huā huuñ maiñ

hiran sā vahshī mohabbat kā dars detā hai
ye vāqi.a hai kitāb-e-sabuktagīn meñ hai