Tags-Lab

aah kab lab par nahīñ hai daaġh kab dil meñ nahīñ
kaun sī shab hai ki garmī apnī mahfil meñ nahīñ

usī tarah se hai be-rabtī-e-kalām abhī
fuġhāñ bhī aa.ī hai lab par to nā-tamām abhī

haath agar chhūne se jal jaa.e yad-e-baizā ho
la.al-e-lab us but-e-kāfir ke vo añgāre haiñ

chup rah kar maiñ jī luuñ zulm kī nagrī meñ
yā maiñ harf sajā luuñ lab par tere naam

tishna-kāmoñ kī kahīñ pyaas bujhā kartī hai
dasht ko chhoḌ ke ab kaun lab-e-jū aa.e

kab talak phailā.egā dhund mire ḳhuuñ meñ
jhūTī sachchī navā meñ Dhal kar lab par aa

vo be-zabān nahīñ hai to kam-nazar hogā
jo chashm o lab tire dekhe magar ġhazab na kahe

lab-e-talab bhī na phir mā.il-e-savāl huā
ki jab taqaddus-e-kashkol pā.emāl huā

maiñ chup huā to zaḳhm mire bolne lage
sab kuchh zabān-e-hāl se lab-basta kah diyā

ḳhushk haiñ lab dam nikaltā jā hai dam-ba-dam
be-hisī chhā.e chalī jaatī hai ab maiñ kyā karūñ

bad-gumānī na ho kyuuñ tab ke ga.e par afzūñ
dekh ukhḌe lab-e-ma.ashūq ke tabḳhāl kī khaal

tirī nīm-kash nigāheñ tirā zer-e-lab tabassum
yūñhī ik adā-e-mastī yūñhī ik fareb-e-sāda

tire lab-bin hai dil meñ shola-zan mul jis ko kahte haiñ
nashe kī maut kī hichkī hai qulqul jis ko kahte haiñ

rū-ba-rū un ke kahāñ thī fursat-e-iz.hār-e-ġham
lab ko ik jumbish barā.e naam ho kar rah ga.ī

be-thāh ho kyā bahr-e-haqīqat kā shanāvar
jis kā kahīñ āḳhir lab-e-sāhil nahīñ ma.alūm

kyuuñ rahte haiñ nit revḌī ke phere meñ āshiq
us ke lab-e-shīrīñ pe kahīñ til nahīñ ma.alūm

har chand iḳhtilāf ke pahlū hazār the
vā kar sakā magar lab-e-goyā na tū na maiñ

bār-hā aisā huā hai yaad tak dil meñ na thī
bār-hā mastī meñ lab par un kā naam aa hī gayā

sāqi-e-gulfām bā-sad ehtimām aa hī gayā
naġhma bar lab ḳhum ba sar baada ba jaam aa hī gayā

mazlūm dil kī talḳh-navā.ī to dekhnā
naġhme jo lab tak aa.e fuġhāñ ban ke rah ga.e