Tags-Lab

bul-havas go kareñ tere lab-e-shīrīñ par hujūm
talḳh mat ho ki miThā.ī se magas aatī hai

ḳhamoshiyoñ ne zer-e-lab ye kyā kahā ye kyā sunā
ki kā.enāt-e-ishq kī adā hī aur ho ga.ī

jab bhī zindāñ meñ asīroñ ko milā muzhda-e-gul
merī nazroñ meñ tumhāre lab-o-ruḳhsār aa.e

mat rok apne lab pe nazar kī haqīqateñ
terī har ik sadā hai amānat havāoñ kī

dil bujh gayā to garmī-e-bāzār bhī nahīñ
ab zikr-e-bāda-o-lab-o-ruḳhsār bhī nahīñ

lab pe kisī ujḌī huī jāgīr kā mātam
har lafz mirā halqa-e-zanjīr kā mātam

nahīñ khulte jo luuñ us shahd-lab se bosa-e-sānī
ye lab yuuñ bosa-e-avval meñ chaspāñ ho ke mil baiThe

kyā kyā na e'tibār diyā ik sarāb ne
har-chand tishna-lab the magar dekhte rahe

nahīñ mumkin lab-e-āshiq se harf-e-mudda.ā nikle
jise tum ne kiyā ḳhāmosh us se kyā sadā nikle

tire lafz lafz kī muntazir haiñ samā.ateñ
lab-e-husn terā hijāb kyuuñ nahīñ TūTtā

kisī lab pe harf-e-sitam to ho koī dukh supurd-e-qalam to ho
ye bajā ki shahr-e-malāl meñ koī 'faiz' hai koī 'mīr' hai

vahī damakte hue surḳh lab vahī āñkheñ
gumān jin kā huā thā mujhe sharāre par

dariyā meñ gir paḌā jo mirā ashk ek garm
but-ḳhāne lab pe ho ga.e sāhil ke chaar pāñch

kyuuñ ulajhte ho jumbish-e-lab se
ḳhair hai maiñ ne kyā kiyā sāhab

kar dī hai lab o chashm ne tasdīq hamārī
husn-e-ruḳh-e-jānāñ haiñ dahakte hue ruḳhsār

naġhma-e-tabassum se lab haiñ ab bhī nā-mahram
shāḳh-e-ārzū ab bhī phuul ko tarastī hai

ḳhud-baḳhud aayā hai lab par us kā naam
ruuh par unvān-e-arshad khul gayā

halkī hañsī ne fikr ko zau-bār kar diyā
phūTī kiran ki tarah lab-e-tashna-kām se

sab meñ shāmil hai
lab-e-sāhil pe ujle sañg-rezo kā vajūd