Tags-Lab

kisī gul-e-fasurda-e-bāġh huuñ mire lab hañsī ko bhulā chuke
tujhe ai sabā jo na ho yaqīñ mujhe gudgudā ke bhī dekh le

mire shauq kī haiñ vahī zideñ abhī lab pe hai vahī iltijā
kabhī is jale hue tuur par mujhe phir bulā ke bhī dekh le

lab par ḳhamoshiyoñ ko sajā.e nazar churā.e
jo ahl-e-dil meñ baiThe haiñ chup-chāp sar jhukā.e

umr-bhar chain se mujh ko kabhī ik lamha mire
us dal-e-tishna-e-lab-e-kām ne rahne na diyā

javāb kā to pata thā hameñ magar phir bhī
lab-e-savāl milā thā savāl karnā thā

nutq ho jaatā hai ilmī istelāhoñ se udaas
la.al-e-lab meñ shahad kī baaqī nahīñ rahtī miThās

tishnagī mohr-ba-lab tishna-labī hai ab to
chashm-e-sāqī kī shikāyat nahīñ karne detī

dil nahīñ us lab-e-ḳhandāñ kī taraf jaatā hai
tishna-lab chashma-e-haivāñ kī taraf jaatā hai

bosa-e-jānāñ meñ thī yuuñ to had-e-shukr-o-sipās
chāhiye ik larzish-e-lab bhī raqībāna mujhe

dekhe use har aañkh kā ye kaam nahīñ hai
kuchh khel tamāshā-e-lab-e-bām nahīñ hai

maraz-e-ishq se bach jā.ūñ jo tum dilvā do
sadqa apne lab-e-jāñ-baḳhsh kā unnāb mujhe

lab par hai agar aah to āñkhoñ meñ haiñ aañsū
bādal ye bahut der se garmā.e hue haiñ

kyā charb-zabāñ vo sho.ala-rū hai
lab tak aa kar phisal paḌī baat

ḳhamosh sunte rahe sab amīr-e-shahr kā hukm
kisī ke lab pe koī harf-e-ishti.āl na thā

har shai hai pur-malāl baḌī tez dhuup hai
har lab pe hai savāl baḌī tez dhuup hai

lab se lagā to bhuul ga.e ham ġham-e-hayāt
sāġhar meñ koī tujh sā hasīñ hai chhupā huā

sham-e-harīm-e-lam-yazalī thā gulū-e-shāh
tārīk shab meñ jaise huvaidā ho nūr-e-māh

but-ḳhāne se dil apne uThā.e na ga.e
ka.abe kī taraf mizāj laa.e na ga.e

shabbīr chāhte the ki chūmeñ mire bhī lab
par kuchh gale ke bosoñ kā khultā na thā sabab

kis muñh se kījiye lab-e-jān-baḳhsh kā bayāñ
chūsī jinhoñ ne ahmad muḳhtār kī zabāñ