Tags-Lab

marīz-e-ġham kī hālat dekhne vaale ye kahte haiñ
ki be-hoshī meñ bhī lab par tumhārā naam dekhā hai

tire jamāl ne baḳhshī nigāh miTTī ko
tire ḳhayāl ne taufīq-e-lab-kushā.ī dī

uThtā nahīñ hai paañv 'samad' aabla baġhair
lab pe nahīñ hai harf sadāqat ke mā-sivā

vo la.al o lab ke tazkire, vo zulf o ruḳh ke zamzame
vo kārobār-e-ārzū vo valvale, vo hamhame

un ke aage lab-e-iz.hār pe hai mohar-e-sukūt
ek ḳhāmosh parastish kā gumāñ hotā hai

shikāyat dostoñ kī hai mire ahbāb ke lab par
chalo ab dushmanoñ ko aazmā kar dekh letā huuñ

nigāh-o-ruḳh par hai likhī jaatī jo baat lab par rukī huī hai
mahak chhupe bhī to kaise dil meñ kalī jo ġham kī khilī huī hai

shāyad idhar se guzre phir bhī tirā safīna
baiThā huā huuñ sāhil par nai-ba-lab kabhī kā

jaag uThī lo duniyā merī
aa.ī hañsī vo lab pe tumhāre

tumhārī bazm meñ lab khol kar huā ḳhāmosh
vo bad-nasīb jise koī aasrā na milā

muā jaatā huuñ maiñ tarz-e-nigah se
tire lab kī masīhā.ī kahāñ hai

qad o gesū lab-o-ruḳhsār ke afsāne chale
aaj mahfil meñ tire naam pe paimāne chale

lab tak aayā gila hamesha se
aur maiñ chup rahā hamesha se

shikva-ba-lab vo riñd haiñ saaqī aaj bhī tere maiḳhāne meñ
tishna-dahan baiThe haiñ lekin arz-e-talab bebāk nahīñ hai

lab-e-jānāñ ne dī taskīñ dam-e-naza.a
hamārī jaan meñ jaañ ab paḌī hai

vo ġhazāloñ se abhī siikh ke ram lauTā hai
baal haiñ dhuul meñ gum aur lab-o-ruḳhsār pe ḳhaak

qatl-e-'uzlat' se na munkir ho ki gul ke mānind
lab pe hañstā hai tire ḳhūn-e-numāyāñ merā

har ek lab pe haiñ naġhmāt ḳhushk-sālī ke
ab is taraf karam-e-be-shumār-e-āb na ho

taaza rakhne kī koī sūrat soch
sūkhe lab par zabāñ na pherā kar