Tags-Adoo

maiñ jis ko apnī gavāhī meñ le ke aayā huuñ
ajab nahīñ ki vahī aadmī adū kā bhī ho

tamām ā.inoñ meñ aks the mirī nigāh ke
bhare nagar meñ ek bhī mujhe adū milā nahīñ

garm-e-javāb-e-shikva-e-jaur-e-adū rahā
us shola-ḳhū ne jaan jalā.ī tamām shab

tum roz-o-shab jo dast-ba-dast-e-adū phire
maiñ pā.emāl-e-gardish-e-ayyām ho gayā

adū ne kiyā ġhusl-e-sehhat sunā hai
vo jalsa baḌā dhūm-dhāmī kareñge

yūñhī gar adū kī ġhulāmī kareñge
vo hāsil baḌī nek-nāmī kareñge

ye aa.ine haiñ ki ham-chehra lashkaroñ kī safeñ
ye aks aks koī sūrat-e-adū kyā hai

maiñ huā shefta un par vo adū par shaidā
saath ke saath hī donoñ kī tabī.at aa.ī

tab adū dekh kar mujhe merā
maar ke misl pech khātā hai

ra.uuf 'ḳhair' kisī par kabhī nahīñ khulnā
jo aaj yaar hai mumkin hai kal udū ho jaa.e

ġhaur se sun adū 'sahar'-jī ke
din meñ taare tujhe dikhātā huuñ

har ek bachcha hai ek bachcha na hai kisī kā kabhī adū vo
ye bhed bhaav ye fāsla sab ḳhud apnā paidā kiyā huā hai

pukārtā huuñ madad ko koī nahīñ aatā
sitam kī shaam hai aur narġha-e-adū meñ huuñ

adū se jā kar karo ye bāteñ vahīñ guzāro tum apnī rāteñ
tumhārī bātoñ meñ aa chuke ham tumheñ bahut aazmā chuke haiñ

ye maanā adū par hai mailān-e-ḳhātir
koī roz us ko satāyā to hotā

dostoñ ko adū kiyā ham ne
kar ke tārīf yār-e-jānī kī

pūchhte haiñ mudda.ā mujh se adū ke sāmne
mudda.ā ye hai ki kah duuñ mudda.ā koī nahīñ

ilāhī-baḳht tū bedār-e-bāda
adū nā-ḳhush rahīñ aur āshnā ḳhush

dost kar letā huuñ adū ko bhī
dushmanoñ ko bhī pyaar kartā huuñ

jalegā dil tumheñ bazm-e-adū meñ dekh kar merā
dhuāñ ban ban ke armāñ mahfil-e-dushman se nikleñge