Tags-Adoo

maiñ ne maanā ki adū bhī tirā shaidā.ī hai
farq hotā hai fidā hone meñ mar jaane meñ

rahzan agar hai ghaat meñ kyā shikva ham-safīr
ḳhud apne rāhbar hī adū kārvāñ ke haiñ

'bāsir' adū se ham to yūñhī bad-gumāñ rahe
thā un kā iltifāt kisī aur hī taraf

bayān-e-lutf-e-adū jafā hai ye tum se sau-bār kah diyā hai
phir ab kī sun lo nahīñ rahā hai hameñ bhī zabt āh-e-ātshīñ kā

nishān-e-pā-e-adū ne maarā ki tere dar par nahīñ gavārā
jhuke jo sajde ko sar hamārā miTā.eñ likkhā huā jabīñ kā

har ek gul ko mirī dastaras se duur kiyā
mirī nazar hai adū kī navāzishāt meñ gum

ye rashk hai ki vo hotā hai ham-suḳhan tum se
vagarna ḳhauf-e-bad-āmozi-e-adū kyā hai

koī qāsid ho ki nāseh koī āshiq ki adū
sab kī us shoḳh se vābastagiyāñ ek sī haiñ

payām-e-vasl diyā hai hameñ adū ke haath
karam ke saath adā-e-sitamgarī bhī hai

huā badan mirā dushman adū huī mirī ruuh
maiñ kis ke daam meñ aayā havas-nishāna huā

adū ko bhī jo banāyā hai tum ne mahram-e-rāz
to faḳhr kyā jo huā e'tibār ham par bhī

bazm-e-adū meñ aa kar jis tarah ham jale haiñ
dozaḳh meñ ho kisī par aisā azaab shāyad

āzurda huuñ adū ke jo kahne pe ai 'zafar'
ne aise shaḳhs vo haiñ na ham aise shaḳhs haiñ

'kamāl' ab to adū kī shanāḳht mushkil hai
har ek bam se falītā nahīñ nikaltā hai

ġham-e-husain meñ rotā hai lā nahīñ kahtā
vo jis kā jism adū ke tabar se chuur nahīñ

kisī udū kī muravvat se ab bhī taaza haiñ
vo zaḳhm-e-ḳhvāb ki jo DhūñDte haiñ paikāñ ko

vo hai aur ahd-nāme haiñ adū se
nasīboñ kā likhā hai aur maiñ huuñ

hameñ to dekho ye kyā huā hai ki un ke kahne kā phir yaqīñ hai
vo jo jhuuT yūñhī kahā kareñge adū se yūñhī milā kareñge

adū jis kā ḳharāb-e-ġham shikār-e-nā-murādī thā
har ik sāhil-nashīñ jāñ-soz tūfānoñ kā aadī thā

adū ḳhush ḳhush hai kuchh kah kar sunā hai
na mānūñgā kabhī tum be-dahāñ ho