Tags-Adoo

raqs is zohra-jabīñ kā hai adū ke ghar meñ
mehr mīzāñ meñ hai aqrab meñ qamar aaj kī raat

bāġh-o-mai chāñdnī aur vasl-e-parī hai mujh ko
piite haiñ mere adū ḳhūn-e-jigar aaj kī raat

roz-e-jazā vo shoḳh mile ham ko ai ḳhudā
is ke sivā kuchh aur adū kī sazā na ho

bad-nām mere vāste vo dilrubā na ho
yā-rab adū ke haath se merī qazā na ho

ye hai kis kā soyam pūchhā adū se
ki dam hai naak meñ phūloñ kī bū se

shāyad kisī adū ne tire kaan bhar diye
varna nigāh yuuñ to churātā nahīñ koī

yahīñ kahīñ pe adū ne paḌāv Daalā thā
yahīñ kahīñ pe mohabbat ne haar maanī thī

tujh ko adū pasand hai vaz-e-adū pasand
mujh ko adā pasand tirī mujh ko tū pasand

maiñ us kī bazm meñ bhī sarfarāz rahtā huuñ
merā nasab mirī azmat adū samajhtā hai

ye chāhiye hai ham ko ki ham sab se mil chaleñ
ai 'mus.hafī' kisī ko na apnā adū kareñ

vaah is naale pe aur itnī adū ko nāzish
bazm meñ aur to kyā hashr bhī barpā na huā

adū kī bazm meñ dushman hazār baiThe haiñ
milā bhī haa.e vo kāfir to be-hijāb kahāñ

ye surma chashm-e-adū ke liye uThā rakkheñ
vo ḳhaak Dālte haiñ chashm-e-etibār meñ kyā

kis ko dimāġh-e-fikr kise fursat-e-suḳhan
phir kis liye zamāne ko apnā udū kareñ

hamārī ulfat kā zikr sun kar adū nikāle bhī shiq to kyūñ-kar
ki lafz-e-shiq meñ bhī to ye shiq hai ki hai ye āshiq kā naam aadhā

vafā to ḳhaak karegā mirā udū tum se
vafā ke naam kī miTTī ḳharāb kar degā

tiir mat dekh mire zaḳhm ko dekh
yār-e-yār apnā adū meñ gum hai

mire adū vo haqīqat bhī kyā haqīqat hai
subūt jis kā mayassar usī ke rad se na ho

hisn-e-zamurradain-e-adū koh-e-qāf par
hove to us ko bhej ke ayyār toḌiye

adū ko chhoḌ do phir jaan bhī māñgo to hāzir hai
tum aisā kar nahīñ sakte to aisā ho nahīñ saktā