Tags-Manzil

sila ye manzil-e-maqsūd kā milā 'shādāb'
safar tamām huā aur ham-safar bhī gayā

ilm hāsil kar faqat tadbīr-e-manzil ke liye
vo dimāġhoñ ke liye haiñ aur tū dil ke liye!

jo ziist ke tapte sahrā par bhūle se kabhī barsā bhī nahīñ
har moḌ pe har ik manzil par phir kyuuñ vahī bādal yaad aayā

usī sitāre ne bhaTkā diyā sar-e-manzil
safar pe jo mirī tahvīl meñ ravāna huā

uḌāte haiñ jo raḳhsh-e-himmat ko sarpaT
vo manzil ko zer-e-qadam dekhte haiñ

manzil hī tirī yaar 'rashīd' aur nahīñ hai
tū jab bhī gayā chāñd mahal jā.egā sā.īñ

hai man.a rāh-e-ishq meñ dair-o-haram kā hosh
ya.anī kahāñ se paas hai manzil kahāñ se duur

log pahuñche manzil-e-maqsūd tak
maiñ jaras kī tarah nālāñ rah gayā

phirtī thī le ke shorish-e-dil kū-ba-kū hameñ
manzil milī to shorish-e-dil kā patā na thā

ye rāh-e-ulfat kī Thokareñ haiñ inheñ na manzil samajh ke Thahro
qadam baḌhāo vo qāfila hai tumhāre sāthī bulā rahe haiñ

haiñ rahravān-e-rah-e-mohabbat nirālī rasmeñ nirālī fitrat
jahāñ luTā kārvān-e-ulfat vahīñ pe manzil banā rahe haiñ

dar-pesh hai vo manzil-e-nā-tāqatī hameñ
uTThe jo ham-safar hai jo baiThe maqām hai

sab kā ka.aba hai manzil-e-maqsūd
ham to aage qadam baḌhāne lage

manzil-e-ulfat pe dil tanhā pahuñch saktā nahīñ
aap agar chāheñ to mere ham-safar ho jā.iye

zehn ke pardoñ pe manzil ke hayūle na banā
ġhaur se dekhtā jā raah meñ aatā kyā hai

chalte chalte aksar ruk kar sochā bhī
kyā manzil par yaad rahegā rastā bhī

hai maqsad-e-hayāt ki manzil mile 'sadaf'
us kī talāsh shām-o-sahar kar rahe haiñ ham

manzil kī hai talāsh magar ye ḳhabar nahīñ
kāġhaz kī kashtiyoñ meñ safar kar rahe haiñ ham

maut aa.ī aane dījiye parvā na kījiye
manzil hai ḳhatm sajda-e-shukrāna kījiye

tum musāfir bahār rastoñ ke
merī manzil salīb sannāTā