Tags-Mausam

ab kyā kaheñ jo mausam-e-gulshan kā haal hai
phūloñ se rābta na sabā kā ḳhayāl hai

kyā hotā hai ḳhizāñ bahār ke aane jaane se
sab mausam haiñ dil khilne aur dil murjhāne se

hasīñ mausam ne nazreñ pher liiñ apne taġhāful par
hue raftār-e-duniyā ke sabab shām-o-sahar ġhā.eb

har guzarte hue be-rañg se mausam ke liye
ik na.ī rut ke na.e phuul yahāñ dhar jaanā

din ke tapte hue mausam meñ bhaTaknā har-sū
shaam aa.e to parindoñ kī tarah ghar jaanā

Thahar, Thahar ke guzartā hai zard mausam bhī
hameñ to jiinā bhī jaise sazā huā ab ke

hameñ to yaad bahut aayā mausam-e-gul meñ
vo surḳh phuul sā chehra khilā huā ab ke

juz nihāl-e-ārzū siine meñ kyā rakhtā huuñ maiñ
koī bhī mausam ho ye paudā harā rakhtā huuñ maiñ

gard hamāre gharoñ tak phail ga.ī
us mausam meñ koī bārish nahīñ

kisī rut se rahe mashrūt kab haiñ roz-o-shab mere
jahāñ jaisā ye chāhe dil vo mausam DhūñD letā hai

bharī mahfil meñ tanhā.ī kā aalam DhūñD letā hai
jo aa.e raas dil aksar vo mausam DhūñD letā hai

ye sardiyoñ kā udaas mausam ki dhaḌkaneñ barf ho ga.ī haiñ
jab un kī yaḳh-bastagī parakhnā tamāzateñ bhī shumār karnā

jo bhī taḳht pe aa kar baiThā us ko yazdāñ maan liyā
aap bahut hī dīda-var the mausam ko pahchān liyā

phir shāḳh-e-dil pe gul na.e ummīd ke khile
mausam bahār-e-tāza kā aayā hai barsoñ ba.ad

ai fareb-e-barūn-e-mausam-zard
sabz the saare paat andar se

duur duur tak sho.aloñ ke tūfān kā mausam aayā
sab ke sir par

fursat ke din haiñ sāqī-e-mai-kash-navāz uTh
kyuuñ intizār-e-mausam-e-dīvāna-gar kareñ

chāroñ-jānib us kī ḳhushbū bikhrī thī
hijr kā ik mausam bhī us ke jaisā thā

qafas se chhoḌe hai ab mujh ko kyā tū ai sayyād
chaman ke biich kahāñ mausam-e-bahār rahā

rañg chaḌhte haiñ utar jaate haiñ
mausam-e-hijr pata hai kyā hai