Tags-Mausam

vo aayā to saare mausam badle badle lagte haiñ
yā kāñToñ kī sej bichhī thī yā phūloñ kā bichhaunā hai

bahāreñ aur ḳhizā.eñ sab usī kī
mirā apnā koī mausam nahīñ hai

kahte haiñ log auj pe thā mausam-e-bahār
dil kah rahā hai arbada-e-zulf-e-yār thā

mausam kī havā.eñ gulshan meñ jaadū kā amal kar jaatī haiñ
rūdād-e-bahārāñ kyā kahiye shabnam bhī bahut sho.ale bhī bahut

ye lahroñ kī mānind chaḌhte utarte
tilismāt mausam

'jāmī' fazā-e-mausam-e-gul yuuñ udaas hai
jaise kahīñ qarīb koī hādsa huā

muzhda ai yaas ki yaañ kunj-e-qafas ke qaidī
yak-ba-yak mausam-e-parvāz meñ mar jaate haiñ

par taulne lage phir asīrān-e-bad-nasīb
shāyad qarīb aa gayā mausam bahār kā

mausam kā e.ajāz hai yā jaadū hai koī
rātoñ-rāt daraḳhtoñ par ghar ug aate haiñ

faiz-e-mausam thā parinde hue āzād magar
ḳhū-e-sayyād vahī said-e-zabūñ māñgtī hai

ab intizār ke mausam udaas karte nahīñ
ajiib hai ki hameñ ġham udaas karte nahīñ

haath jab mausam ke giile ho ga.e haiñ
zaḳhm dil ke aur gahre ho ga.e haiñ

do gaam pe mai-ḳhāna hai daftar se nikal kar
is bhīgte mausam meñ Tahalte hue aa jaao

būñdoñ kī tarah chhat se Tapakte hue aa jaao
barsāt kā mausam hai baraste hue aa jaao

mausam ke bahāne gul-o-gulzār nikal aa.e
tum bhī koī bahrūp badalte hue aa jaao

koī mujh se ḳhafā hai is liye ḳhud se ḳhafā huuñ
ubalte khaulte mausam ke neze par rakhā huuñ

mausam ne aisī aag lagā.ī thī raat meñ
mere badan meñ ḳhuun thā jitnā ubal gayā

ġhaur se dekhnā bahāroñ meñ
pichhle mausam ke bhī nishāñ hoñge

kaam kuchh to mirā lahū aayā
baaġh meñ mausam-e-numū aayā

uḌāne ke liye kuchh kam nahīñ hai ḳhaak ghar meñ bhī
vo mausam hī nahīñ haiñ jo divāna karne vaale the