Tags-Mazi

phir tum bhī ho ga.e mire maazī kā ek baab
phir qasr-e-e'tibār meñ tanhā khaḌā thā maiñ

mujh se maazī mirā kal raat simaT kar bolā
kis tarah maiñ ne yahāñ ḳhud ko sambhālā dekhūñ

tarz-e-mausam pe baat chal niklī
varna maazī kā zikr hī kyā hai

fāsle qarnoñ ke judā.ī meñ
terā maazī huuñ apnā haal huuñ maiñ

chehra hazār baar badal lījiye magar
maazī to chhoḌtā nahīñ pīchhā kiye baġhair

raah kī dhuul meñ Duubā huā aa pahuñchegā
apne maazī kā pata lene gayā hai koī

ġham-e-māzī ġham-e-hāzir ġham-e-fardā ke sivā
zindagī kuchh bhī nahīñ ḳhūn-e-tamannā ke sivā

'anīs' uTTho na.ī fikroñ se rāheñ zau-fishāñ kar lo
ma.āl-e-laġhzish-e-māzī pe pachhtāyā nahīñ jaatā

is se bāhar nikal na pāoge
dasht maazī kā ye ghanā hai bahut

kaun apnā.e maazī kī parchhā.iyāñ
kaun paidā kare ab nayā aadmī

maiñ apne hāl-o-māzī par bhī kuchh ai 'arsh' ro letā
magar pesh-e-nazar is vaqt mustaqbil kī bāteñ haiñ

na hoñ jis meñ numāyāñ hāl-o-māzī
koī aisā zamāna chāhtā huuñ

maazī sharīk-e-hāl hai koshish ke bāvajūd
dhuñdle se kuchh nuqūsh abhī tak nazar meñ haiñ

yuuñ dard kī Tīseñ uThtī haiñ yuuñ sabr kā dāmāñ chhuTtā hai
maazī kā fasāna phir dil se Dar Dar ke bhulānā paḌtā hai

dil-e-be-tāb pe maazī kī navāzish hai vahī
shab-e-mahtāb pe yādoñ kā gahan hai ki jo thā

maiñ ne mustaqbil meñ jā kar ek lambī saañs lī
phir mire maazī kī sab hāsid havā.eñ mar ga.iiñ

to jab mere kiye par hai mirā anjām phir anjām
ye maazī haal mustaqbil to haiñ zer-e-nagīñ mere

muñh añdhere terī yādoñ se nikalnā hai mujhe
aur phir maazī kā pairāhan badalnā hai mujhe

maazī se ubhrīñ vo zinda tasvīreñ
utar gayā sab nashsha na.e purāne kā

laakh ho maazī dāman-gīr
mustaqbil kī dekh lakīr