Tags-Mazi

aks tā aks badal saktī huuñ chehra maiñ bhī
merā maazī magar ā.īna dikhātā hai mujhe

apne maazī kī hikāyāt bahut ḳhuub sahī
ab na.e daur kā sāmāñ hai ise kyā kahiye

maazī pe nigah hai apnī gahrī
fardā ko maiñ haal de rahā huuñ

ta.alluqāt kī ḳhushbū ki rishta-e-māzī
tumhārī bazm se jaatā huā sā kuchh to hai

saf.ha-e-dil se miTā azmat-e-māzī ke nuqūsh
haiñ ye bhūle hue afsāne inheñ yaad na kar

Tahnī pe ḳhamosh ik parinda
maazī ke ulaT rahā hai daftar

chand lamhe jinheñ ik laġhzish-e-pā ne merī
kahīñ maazī ke añdheroñ meñ kuchal Daalā thā

kuchh itne yaad maazī ke fasāne ham ko aa.e haiñ
ki jin rāhoñ meñ ujḌe the unhī par lauT aa.e haiñ

shāstr aur ved ke mantar kā uchāran kar ke
ahd-e-māzī kā ik ā.īna dikhātā aayā

vo maazī jo hai ik majmua ashkoñ aur aahoñ kā
na jaane mujh ko is maazī se kyuuñ itnī mohabbat hai

agar taḳh.īl-e-sarsayyad hai ab guldasta-e-māzī
javānī kī umañgoñ ko na.ī añgḌā.iyāñ de de

ham ḳhūgar-e-taslīm-o-razā aaj haiñ varna
maazī meñ bahut Thokareñ bhī khaa.e hue haiñ

har fikr ke chehre par sau zaḳhm haiñ maazī ke
ik lafz nahīñ zinda āvāz ke maqtal meñ

thī sard yaad kī havā maiñ dasht meñ thā maazī ke
na pūchhiye janāb maiñ ne kaise raat paar kī

mujhe usī par hai naaz hamdam shikasta sāġhar ye hai to apnā
kise sunātā hai zikr-e-māzī balā se thā jām-e-jam hī achchhā

ahd-e-māzī ko na ro taqdīr kā mātam na kar
haal kī rūdād hī ko apnā mustaqbil samajh

ye jo Dher haiñ ye jo khañDar haiñ
maazī kī galiyāñ-kūche haiñ

maazī nahīñ martā hai yaqīñ aa gayā mujh ko
biitā huā har pal vo liye saath khaḌā thā

yād-e-māzī se simaT aa.e haiñ
ek lamhe meñ zamāne kitne

ab chehra-e-māzī bhī pahchānā nahīñ jaatā
yuuñ TuuT ke bikhrā hai itihās kā ā.īna