Tags-Mehfil

hujūm baḌhtā chalā jaatā thā sar-e-mahfil
baḌe rasān se qātil kī mashq jaarī thī

aap kā dil kyā mire dil se milā
māh-e-kāmil sham-e-mahfil se milā

lutf us kā zulm us kā dekhiye
mujh se mil kar saarī mahfil se milā

kisī kī mahfil kā naġhma-e-nai moharrik-e-nāla o fuġhāñ hai
fasāna-e-aish sun rahā huuñ fasāna-e-ġham sunā rahā huuñ

kyā kaheñ is ko jo mahfil meñ shanāsā bhī na thā
kabhī ḳhalvat meñ dar aayā to dil-o-jāñ se milā

ik nazar mahfil meñ dekhā thā jise
ham to kho.e hai usī meñ shaam se

kuchh bhī 'hilāl' ab Dīñgeñ maaro lekin tum ne
mahfil mahfil dhuum machānā ishq meñ sīkhā

payām aayā ke lauT jaao yahīñ se fauran
maiñ us kī mahfil meñ ḳhush-gumānī meñ jā rahā thā

ham vafādāroñ meñ haiñ us ke magar mashkūk haiñ
ik na ik din us kī mahfil se nikāle jā.eñge

zeb-e-mahfil bhī ho tum zīnat-e-gulshan bhī ho tum
chaman-ārā ki tumheñ anjuman-ārā kahnā

maiñ nek-nām na rusvā magar sar-e-mahfil
ye aur baat gavārā sā ho gayā thā maiñ

qismat apnī aisī kachchī niklī hai
har mahfil se bas tanhā.ī niklī hai

banā.eñ na ab us ko ab sham-e-mahfil
jalā dil nahīñ hai jalāne ke qābil

ghar meñ ḳhud ko qaid to maiñ ne aaj kiyā hai
tab bhī tanhā thā jab mahfil mahfil thā maiñ

jahāñ hai kor aur ḳhurshīd mahjūb
kahāñ tak sham.a har mahfil se badle

shoḳhī-e-husn jigar-soz kā iimā ye na thā
bigḌī hai sham.a kī mahfil meñ havā aap hī aap

sham-e-mahfil tumheñ kahtā thā zamāna dekhā
huā parvāna uḌ ke fidā aap hī aap

ishq-e-sādiq kā kahīñ zikr huā thā shāyad
us ne mahfil meñ mirā naam liyā aap hī aap

mahfil-e-yār kī rah jā.egī aadhī raunaq
naaz ko us ne agar anjuman-ārā na kiyā

mahfil-ārā.ī hamārī nahīñ ifrāt kā naam
koī ho yā ki na ho aap to aa.e hue haiñ