Tags-Mehfil

nashāt-e-garmī-e-mahfil thī jis kī tābānī
isī charāġh se kyuuñ anjuman meñ aag lagī

'sirāj' ab soz-e-dil merā vo jaane
jo hai parvāna-e-mahfil kisī kā

nashsha-e-dard kho gayā sāqi-e-dard so gayā
mahfil-e-dil meñ jaa.eñ kyā tishna-labī kā daur hai

ham se ābād hai ye sher-o-suḳhan kī mahfil
ham to mar jā.eñge lafzoñ se kināra kar ke

zīnat-e-mahfil-e-sad-zohrā-jabīnāñ hue ham
haañ magar ye ki bharī bazm meñ tanhā bhī hue

kisī ra.iis kī mahfil kā zikr hī kyā hai
ḳhudā ke ghar bhī na jā.eñge bin bulā.e hue

kahāñ sochā thā maiñ ne bazm-ārā.ī se pahle
ye merī āḳhirī mahfil hai tanhā.ī se pahle

ḳhudā kā hai karam 'santosh' mujh par
har ik mahfil pe maiñ chhāyā huā huuñ

sāġhar kī tarah se chuur ho kar
mahfil meñ bikhar bikhar gayā huuñ

hazrat-e-dāġh jahāñ baiTh ga.e baiTh ga.e
aur hoñge tirī mahfil se ubharne vaale

maiñ tanhā aatā huuñ mahfil meñ yāroñ
baaqī har insāñ lashkar meñ aatā hai

sāqiyā hai tirī mahfil meñ ḳhudāoñ kā hujūm
mahfil-afroz ho insāñ to mazā aa jaa.e

hashr hai aalam meñ barpā aur tū hai mutma.in
shor hai mahfil meñ paidā aur tū ḳhāmosh hai

sunā hai ġhair kī mahfil meñ tum na jāoge
kaho to aaj sajā luuñ ġharīb-ḳhāne ko

ho us bazm meñ sham.a kab raunaq-afzā
jahāñ mahfil-afroz mah-rū na hove

bulā.ī ga.ī un kī mahfil meñ duniyā
magar ek merā bulāvā nahīñ hai

qayāmat thā mirā mahfil se uThnā
na jaane kitne afsāne bane haiñ

be-iḳhtiyār sun kar mahfil meñ sham.a ro de
ham baat soz-e-dil kī gar Tuk zabāñ pe lāveñ

mahfil mahfil zikr hamārā soch samajh ke kar vaa.iz
apne muḳhālif bhī haiñ kitne aur haiñ kitne haamī bhī

tum husn kī ḳhud ik duniyā ho shāyad ye tumheñ mālūm nahīñ
mahfil meñ tumhāre aane se har chiiz pe nuur aa jaatā hai