English
Favourite
Favourite
UrduShayarUrduShayar
Expand menu
Sign inAccount

Tags-Mehfil

unheñ ḳhayāl kī mahfil meñ DhūñDne niklī
mirī nazar kā ġhalat e'tibār kyā kahiye
Ghazal
 nigah-e-mast ka kaif-e-KHumar kya kahiye
aaj kī mahfil meñ ai 'shahpar' nukta-chīnī thī mujh par
terā to kuchh zikr nahīñ thā tū kyuuñ paanī paanī thā
Ghazal
 uski baaten kya karte ho wo lafzon ka bani tha
aisī tartīb se raushan haiñ tirī mahfil meñ
ek hī phūñk charāġhoñ ko bujhā saktī hai
Ghazal
 dost ban kar bhi kahin ghat laga sakti hai
koī dam kā mehmāñ huuñ ai ahl-e-mahfil
charāġh-e-sahar huuñ bujhā chāhtā huuñ
Ghazal
 tere ishq ki intiha chahta hun
koī mujh sā hī dīvāna thā shāyad
jo vīrāne meñ mahfil kar rahā thā
Ghazal
 safar se mujhko bad-dil kar raha tha
mīr-e-mahfil na hue garmī-e-mahfil to hue
sham.a-e-tābāñ na sahī jaltā huā dil to hue
Ghazal
 mir-e-mahfil na hue garmi-e-mahfil to hue
bharī mahfil meñ mujh se pher lī thiiñ be-sabab nazreñ
vo din aur aaj tak un kī pashemānī nahīñ jaatī
Ghazal
 jo aaine se teri jalwa-samani nahin jati
chhīn le sāqī-e-be-faiz ke hāthoñ se subū
riñd kyā aisā koī mahfil-e-rindāñ meñ nahīñ
Ghazal
 kohsaron mein nahin hai ki bayaban mein nahin
ik dhanak lahrā rahī hai āñsuoñ ke darmiyāñ
merī ā.ankhoñ meñ abhī tak rañg us mahfil ke haiñ
Ghazal
 kuchh hain manzar haal ke kuchh KHwab mustaqbil ke hain
aa to jā.eñge vo merī āh-e-pur-tāsīr se
mahfil-e-dushman meñ rusvā.ī magar ho jā.egī
Ghazal
 aah ko samjhe ho kya dil se agar ho jaegi
dast-e-pur-ḳhūñ ko kaf-e-dast-e-nigārāñ samjhe
qatl-gah thī jise ham mahfil-e-yārāñ samjhe
Ghazal
 dast-e-pur-KHun ko kaf-e-dast-e-nigaran samjhe
mahfil-e-soz o saaz hai duniyā
hāsil-e-soz o saaz haiñ ham log
Ghazal
 aish se be-niyaz hain hum log
kahāñ se aa.ī ye hairat nigāh-e-'beḳhud' meñ
ki us ko dekh ke sakta hai ahl-e-mahfil ko
Ghazal
 nigah-e-mehr se dekho na gham-zada dil ko
mire ḳhayāl ne ḳhalvat ko kar diyā mahfil
tirī nigāh ne ḳhalvat banāyā mahfil ko
Ghazal
 nigah-e-mehr se dekho na gham-zada dil ko
zālim-o-mazlūm kā mahfil meñ kal niklā thā zikr
vo hamārā aur ham un kā patā dene lage
Ghazal
 aag jab zaKHm-e-jigar be-intiha dene lage
'muzaffar' raaz poshīda rahegā kaise mahfil meñ
lahū Tapkā rahī hai chashm-e-tar āhista āhista
Ghazal
 mohabbat dil pe karti hai asar aahista aahista
rashk aadā ne kiye raushan badan meñ ustuḳhvāñ
sham-e-mahfil ho ke uTThe aap kī mahfil se ham
Ghazal
 dekh o qatil basar karte hain kis mushkil se hum
farzāngī-e-dil bhī kuchh chāhiye vahshat meñ
dīvāna sar-e-mahfil ban jaa.e na dīvāna
Ghazal
 phir rah dikha mujhko ai mashrab-e-rindana
har riñd-e-balā-kash par girtī hai sar-e-mahfil
barq-e-nigah-e-sāqī paimāna-ba-paimāna
Ghazal
 phir rah dikha mujhko ai mashrab-e-rindana
tere ham-umroñ kī mahfil hī se to raunaq thī
mahfileñ ab vo sajā.ūñ to sajā.ūñ kaise
Nazm
 eid manaun kaise
Top Urdushayar.com