Tags-Murder

tavāf kartī hai ma.asūmiyat yuuñ kamsin kā
ki qatl kar de adālat meñ bhī to saaf barī

āñkhoñ se qatl karte ho lab se jalāte ho
phir ye kamāl kyā hai jo afsūñ-garī nahīñ

shā.erī aur mantaqī bahseñ ye kaisā qatl-e-ām
bursh-e-miqrāz kā detā hai zulfoñ ko payām

āshiq-e-abrū huuñ karnā dīda-o-dānista qatl
jauharoñ se tujh meñ ai talvār āñkheñ ho ga.iiñ

haath ḳhālī na dikhāo pa.e qatl-e-dushman
teġh bhuul aa.e to kyā teġh-e-nazar hai ki nahīñ

qatl-e-āshiq to tirī aañkh kā jaada Thahrā
lab-e-īsā kā tire lab meñ asar hai ki nahīñ

qatl hote rahe haiñ ham se pūchh
le ke shamshīr sochtā kyā hai

manzil manzil chal kar jab bhī aa.ī lahū meñ Duubī raat
aahaT aahaT qatl huā hai qadmoñ meñ sar dekhā hai

jo vaqt-e-qatl us ke la.al-e-shīrīñ kā paḌā partav
pilāyā āb-e-teġh-e-yār ne sharbat shahādat kā

shahīd-e-armāñ paḌe haiñ bismil khaḌā vo talvār kā dhanī hai
idhar to ye qatl-e-ām dekhā udhar vo kaisī kaTā-chhanī hai

kyuuñ mire qatl ko talvār barahna kī hai
teġh-e-abrū kā to kaafī hai ishārā mujh ko

jāntā huuñ ki qatl par mere
aap beḌā uThā.e baiThe haiñ

mujhe na qatl kareñ bas payām laayā huuñ
mirī haqīqat hī kyā maiñ to nāma-bar Thahrā

vahī haiñ qatl-o-ġhārat aur vahī kohrām hai saaqī
tamaddun aur maz.hab kī ye ḳhūnī shaam hai saaqī

hameñ to qatl kiyā bas isī nazākat ne
ki vo uThātī haiñ teġh aur nahīñ ukastī hai

ġhair ayādat se burā mānte
qatl kiyā aan ke achchhā kiyā

da.ava-e-taklīf se jallād ne
roz-e-jazā qatl phir apnā kiyā

kiyā qatl un ne mujh ko ġhair se mil
huā dushman judā ḳhush vo judā ḳhush

ye jo shāḳh-e-lab pe hujūm-e-rañg-e-sadā khilā hai galī galī
kahīñ koī sho.ala-e-be-navā kisī qatl-gāh meñ jal-bujhā