Tags-Musafir

ek hī raah ke musāfir haiñ
be-karāñ raat ḳhāmushī aur maiñ

the musāfir do alag rastoñ ke ham
ho ga.ī bas nā-gahānī dostī

ai chāñd kī maflūj fazāoñ ke musāfir
hai muntazir-e-dīd abhī bazm-e-jahāñ aur

terī rahmat kā ye dariyā vo musāfir hai ki jo
merī bastī se dabe paañv guzar jā.egā

maqām yuuñ huā is kār-gāh-e-duniyā meñ
ki jaise din ko musāfir sarā meñ aa ke chale

manzil na qāfila na musāfir na rāhbar
ye kaise rāstoñ se guzarne lagī huuñ maiñ

yahāñ bhī kar ke ik sajda vahāñ bhī kar ke ik sajda
musāfir baḌh gayā chīḳhā kiye dair o haram pīchhe

apnī marzī se nahīñ apne irāde se nahīñ
har musāfir ke qadam uThte haiñ manzil kī taraf

ab bahar-gām baḌhī jaatī hai taklīf-e-safar
ab musāfir ko bahut yād-e-ḳhudā aatī hai

thī vatan meñ muntazir jis kī koī chashm-e-hasīñ
vo musāfir jaane kis sahrā meñ jal kar mar gayā

kahāñ rukeñge musāfir na.e zamānoñ ke
badal rahā hai junūñ zāviye uḌānoñ ke

bulandiyoñ kā thā jo musāfir vo pastiyoñ se guzar rahā hai
tamām din kā sulagtā sūraj samundaroñ meñ utar rahā hai

safar meñ bhī musāfir ke bahalne ko ba-ḳhāmoshī
kabhī ahbāb kā qissa kabhī zikr-e-vatan hogā

koī manzil na koī jaada hai
ab musāfir kā kyā irāda hai

haath phailā.e barahna sī khaḌī hai ḳhāmosh
jaise ġhurbat meñ musāfir ko sahārā na mile

phir lahlhā uThā samay aamoñ pe baur kā
jaane sakhī kab aa.e musāfir vo duur kā

ye ishq hotā hai bin sikhā.e ki us kā koī nisāb kaisā
har ik hai is raah kā musāfir faqīr kaisā navāb kaisā

kuchh aise kam-nazar bhī musāfir hameñ mile
jo saaya DhūñDte haiñ shajar kāTne ke ba.ad

jaane kab donoñ mileñ aapas meñ sāyoñ kī tarah
do musāfir chal rahe haiñ kahkashāñ ke us taraf

aa ke jab ḳhvāb tumhāre ne kahā bismillāh
dil musāfir thake-hāre ne kahā bismillāh