Tags-Musafir

maiñ vo naġhma huuñ jise pyaar kī mahfil na milī
vo musāfir huuñ jise koī bhī manzil na milī

ye maiñ huuñ tū hai hayūlā hai har musāfir kā
jo miT rahā hai thakan se udhar ġhubār ke biich

saañs dar saañs musāfir haiñ ġhubār-ālūda
zindagī ḳhaak uḌātī hī chalī jaatī hai

so ai musāfir
mirī jo maano to lauT aao

ka.ī musāfir bhaTak chuke haiñ
ki un ko raste jhaTak chuke haiñ

suno musāfir
ye dil sahīfa sahī magar is pe chāhatoñ kī

chale dil se ummīdoñ ke musāfir
ye nagrī aaj ḳhālī ho rahī hai

hasrat pe us musāfir-e-be-kas kī roiye
jo thak gayā ho baiTh ke manzil ke sāmne

ishq kī rah ke musāfir kā muqaddar ma.alūm
shahr kī soch meñ ho aur use jañgal milnā

kis liye katrā ke jaatā hai musāfir dam to le
aaj sūkhā peḌ huuñ kal terā saayā maiñ hī thā

rahguzar ho yā musāfir niiñd jis ko aa.e hai
gard kī mailī sī chādar oḌh ke so jaa.e hai

mirā dil hai siine meñ raushnī isī raushnī pe madār hai
maiñ musāfir-e-rah-e-ishq huuñ to ye sham.a rāh-guzār hai

tū jo is duniyā kī ḳhātir apnā-āp gañvātā hai
ai dil-e-man ai mere musāfir kaam hai ye nā-dānoñ kā

kal tak the mutma.in ki musāfir haiñ raat ke
ab raushnī milī hai to bīnā.ī chāhe

nadī hai mauj meñ apnī use is kī ḳhabar kyā hai
ki tishna-lab musāfir kis pareshānī se aayā hai

rāhi-e-mulk-e-adam se na kar itnī kāvish
dam musāfir ye tah-e-naKhl zarā letā hai

vahī moḌ haiñ aur vahī rahguzar bhī
ġhazab ye hai ki har musāfir nayā hai

har musāfir se rāstoñ ne kahā
zulmatoñ meñ sahar nahīñ baaqī

mere sar par to sadā dhuup ke neze chamke
vo musāfir maiñ kahāñ huuñ ki jo paa.e bādal

ba-qadr-e-hausla sahrā-e-vahshat chhān lete haiñ
musāfir haiñ safar ke vāste sāmān lete haiñ