Tags-Musafir

maiñ añdheroñ kā musāfir huuñ ujāloñ kā naqīb
kis kī jur.at hai mirī gard-e-safar tak pahuñche

sarā-e-dahr meñ Thahrā huā musāfir huuñ
ajiib be-sar-o-sāmāñ dikhā.ī detā hai

ham musāfir haiñ gard-e-safar haiñ magar ai shab-e-hijr ham koī bachche nahīñ
jo abhī āñ.suoñ meñ nahā kar ga.e aur abhī muskurāte palaT ā.eñge

maqām aisā bhī aatā hai guzargāh-e-mohabbat meñ
musāfir ko jahāñ ārām se taklīf hotī hai

maiñ kahāñ raat kā musāfir thā
chāñd ḳhud aa ke bas gayā mujh meñ

ḳhudāyā vaqt ke us paar kyā asrār haiñ pinhāñ
musāfir ko kabhī to lauT kar aane nahīñ detā

phūloñ se Dhake rāste hamvār bahut haiñ
āzār musāfir haiñ magar paañv ke chhāle

musāfir maiñ us dasht kā huuñ ki jis meñ
luTī kitne gum-karda-rāhoñ kī gaThrī

manzar-e-hosh se aage bhī nazar jaane de
jā rahā hai ye musāfir to udhar jaane de

chakrā rahā hai kūcha-e-gesū meñ jā ke dil
mañDlā rahī hai maut musāfir ke ās-pās

rasta saḌak talak na musāfir ko deñ agar
mere ḳhayāl meñ to ye galiyoñ kī maut hai

har ek raah us ke vāste thī be-qarār aur
musāfir apnī dhun meñ manziloñ se bhī guzar gayā

ik musāfir huuñ
baḌī duur se chaltā huā aayā huuñ yahāñ

sarā-e-dahr meñ chhoḌā tan-e-kasīf apnā
ye bojh sar se musāfir tirā utaar aayā

jis raah se guzre the mohabbat ke musāfir
sunsān vahī rāhguzar dekh rahā huuñ

jam.a haiñ saare musāfir nā-ḳhudā-e-dil ke paas
kashtī-e-hastī nazar aatī hai ab sāhil ke paas

mujh musāfir ke kisī ne hargiz
garm paanī se na dhulvā.e paañv

rāsta aap banānā hī koī sahl nahīñ
phir usī rāste kā aap musāfir honā

tumhāre saath hī us ko bhī Duub jaanā hai
ye jāntā hai musāfir tire safīne kā