Tags-Musafir

ik musāfir apnī dhun meñ thā ravāñ
us ko in donoñ ne taakā nā-gahāñ

har shai musāfir har chiiz raahī
kyā chāñd taare kyā murġh o maahī

kyuuñ añdheroñ kā musāfir hai muqaddar apnā
koī sūraj to nikāle ye samundar apnā

kahte haiñ jise 'nazar' musāfir
us ābla-pā kā muntazir huuñ

vo jo patthar kā thā musāfir vo
shahr-e-afsūñ se aa gayā hai ab

DhūñDtā phirtā huuñ maiñ 'iqbāl' apne aap ko
aap hī goyā musāfir aap hī manzil huuñ maiñ

kahāñ kā ḳhvāb musāfir kī aañkh meñ 'āzim'
ki bahte paanī meñ manzar Thaharne vaalā nahīñ

musāfir rāste meñ hai abhī tak
nahīñ pahuñchā ujālā tīrgī tak

ġhubār āsār kartī hai musāfir ko subuk-gāmī
tilism-e-manzil-e-hastī to rahgīroñ kī had tak hai

ishq kī raah meñ musāfir ko
āshiqāñ bolte haiñ jald jā jā

mirā kārvāñ jo bichhaḌ gayā mire dil kā naqsh bigaḌ gayā
maiñ huuñ ik musāfir gum-shuda so yahī fuġhāñ mire saath hai

na kārvāñ na musāfir magar jaras na thamī
na raushnī na harārat magar jale ham log

musāfir ko safar kā mas.ala hai
agar to hai magar kā mas.ala hai

yuuñ terī tarah duur kī manzil ke musāfir
sab kuchh to nahīñ chhoḌ ke jaate kabhī ghar meñ

shaam hai gahrī tez havā hai sar pe khaḌī hai raat
rasta ga.e musāfir kā ab diyā jalā kar dekh

tire badan kī mahak ne sulā diyā thā magar
havā kā andhā musāfir chalā anokhī chaal

naḳhl-e-mātam ke saa.e meñ na Thahar
hai musāfir jo qasd chalne kā

bhuul jote haiñ musāfir rasta
log kahte haiñ kahānī phir bhī

udāsī raah kī kuchh kah rahī hai
musāfir rāste meñ kho gayā kyā

ḳhvāhish-e-parvāz hai to bāl-o-par bhī chāhiye
maiñ musāfir huuñ mujhe raḳht-e-safar bhī chāhiye