Tags-Musafir

tā-had-e-manzil tavāzun chāhiye raftār meñ
jo musāfir tez-tar aage baḌhā rah jā.egā

ye kaj-adā.ī ye ġhamza tirā kabhī phir yaar!
ki terā shahr nayā aur maiñ musāfir yaar!

havā gum-sum khaḌī hai rāste meñ
musāfir soch meñ Duubā huā hai

dil sail-e-havas meñ to pahuñchtā hai kahīñ aur
mad.hosh musāfir ho to manzil kā pata kyā

āvāzoñ kī bhiiḌ meñ ik ḳhāmosh musāfir dhīre se
nā-mānūs dhunoñ meñ koī saaz bajātā rahtā hai

sab kahte haiñ aur koī din ye hañgāma-e-dahr
dil kahtā hai ek musāfir aur bhī aanā hai

lāzim hai masāfat meñ bhaTak jaanā hamārā
ham tanhā musāfir ke haiñ sāmān hazāroñ

aarzū meñ phūloñ kī phir rahā huuñ sahrā meñ
ret ke musāfir ko gulsitāñ nahīñ miltā

dil kī ḳhāmoshī se ghabrā ke uThātā huuñ nazar
ek āvāz sī aatī hai musāfir ḳhāmosh

daraḳht-e-rāh batā.eñ hilā hilā kar haath
ki qāfile se musāfir bichhaḌ gayā hai koī

musāfir chalte chalte thak ga.e manzil nahīñ miltī
qadam ke saath baḌhtā jā rahā ho fāsla jaise

hotā hai musāfir ko do-rāhe meñ tavaqquf
rah ek hai uTh jaa.e jo shak dair-o-haram kā

maiñ hastī ke sāhil kā mab.hūt-o-hairāñ musāfir
mire zard chehre pe jamtī huī ret

ek pahuñchā huā musāfir hai
dil bhaTakne meñ phir bhī māhir hai

ba-juz manzil kahīñ rāhat nahīñ miltī musāfir ko
ilāj-e-ābla-pā.ī bayābāñ se nahīñ hotā

manzil kī tamannā ne rukne na diyā us ko
raste meñ musāfir ke go laakh shajar aa.e

dayār-e-shab ke the sab musāfir sukūt-e-shab to sabhī ne toḌā
to muntaḳhab ik hamī hoñ kaahe hamī pe kyoñ ye azaab TuuTe

āḳhirī bas kā ek musāfir
shab-bhar baiThā rah jaatā hai

shahr-e-jānāñ se pare bhī ka.ī duniyā.eñ haiñ
hai koī aisā musāfir jo udhar bhī jaa.e

shahr ke ḳhālī station par
koī musāfir utrā hogā