Tags-Musafir

musāfir yūñhī giit gaa.e chalā jā
sar-e-rahguzar kuchh sunā.e chalā jā

ḳhvāb kī raah meñ aa.e na dar-o-bām kabhī
is musāfir ne uThāyā nahīñ ārām kabhī

bār-hā jī meñ ye aa.ī umr-e-rafta se kahūñ
shaam hone ko hai ai bhūle musāfir ghar to aa

ḳhalāoñ ke andhe musāfir se pūchheñ
vo ik zarra-e-ḳhāk se TuuT kar duur lā-intihā vus.atoñ aur

dil sukūñ paa.e jahāñ aise basere kitne
yuuñ to kahiye ki musāfir ko Thikāne haiñ bahut

vatan se duur musāfir chale to jaate haiñ
vatan ko lauT ke aane meñ der lagtī hai

hai ruuh tārīkiyoñ meñ hairāñ bujhā huā hai charāġh-e-manzil
kahīñ sar-e-rāh ye musāfir paTak na de bojh zindagī kā

ye aañsū bhī musāfir haiñ jabhī to
unheñ maiñ ne kabhī rokā nahīñ hai

tez havā ke saath chalā hai zard musāfir mausam kā
os ne dāman thaam liyā to pal-do-pal ko rukā bhī hai

abhī lauTā nahīñ din kā musāfir
añdherā ho chukā khiḌkī khulī hai

shikārī raat bhar baiThe rahe ūñchī machānoñ par
musāfir phir bhī lauT aane ko jā pahuñche Thikānoñ par

sab ke sab raahī musāfir manziloñ tak jā chuke
hai magar hadd-e-nazar ab naqsh-e-pāmālī saḌak

raat kī gahrī ḳhamoshī TimTimātī raushnī
ek maiñ tanhā musāfir dūsrī ḳhālī saḌak

dariyā meñ sar-e-shām hai Duubā huā sūraj
din-bhar kā musāfir koī pyāsā to nahīñ hai

yaar rote rahe sab ruuh ne parvāz kiyā
kyā musāfir ke ta.iiñ shiddat-e-bārāñ roke

ḳhud apne shahr hī meñ huuñ musāfir
maiñ ghar kā rāsta bhūlā huā huuñ

musāfir huuñ dilvā.ūñgā nazr-e-ḳhizr
jo tai hoñge raste ke sab marhale

musāfir haiñ lekin nahīñ jānte
kahāñ se ham aa.e kidhar jā.eñge

isī ummīd pe jalte haiñ rāstoñ meñ charāġh
kabhī to lauT ke aa.egā ai musāfir tū

musāfir ho to niklo paañv meñ āñkheñ lagā kar
kisī bhī ham-safar se rāsta kyuuñ māñgte ho