Tags-Naqab

nazar ġhazāl mohabbat naqāb jhiil ajal
surūr-e-ishq taqaddus fareb-e-amr-o-nahī

nazzāre ne bhī kaam kiyā vaañ naqāb kā
mastī se har nigah tire ruḳh par bikhar ga.ī

dil se apne pūchh o zindāni-e-ilm-e-kitāb
husn-e-qudarat ko bhī dekhā hai bar-afganda-naqāb

naqāb ulaT de jo baḌh kar ruḳh-e-tamannā se
ye aarzū hai ki mujh ko vo tishnagī denā

nuur vo hai ki kuchh nahīñ khultā
hai tire ruḳh pe yā naqāb nahīñ

aah ko sun ke muñh chhupāte ho
ek jhoñke kī bhī naqāb nahīñ

chāñd ko raat kyā chhupā.egī
zulf ruḳh ke liye naqāb nahīñ

ban gayā hai naqāb chehre kī
ki utartā kabhī itaab nahīñ

uThā hī deñge naqāb apnī dikhā hī deñge vo apnā jalva
nibhegī kab tak ye lan-tarānī ye lan-tarānī hai aur ham haiñ

aks-e-naqāb zīnat-e-ruḳhsār ho gayā
zevar jo siim kā thā talā-kār ho gayā

itnā itaab surḳh hai rañgat naqāb kī
tār-e-naqāb haiñ ki nigāheñ itaab kī

ho gayā huuñ maiñ naqāb-e-rū-e-raushan par faqīr
chāhiye tah-band mujh ko chādar-e-mahtāb kā

lag ga.ī aag ātish-e-ruḳh se naqāb-e-yār meñ
dekh lo jaltā hai konā chādar-e-mahtāb kā

vafūr-e-sharm se us āftāb-e-husn ke aage
jahāñ kā har hasīñ Daale hue muñh par naqāb aayā

jab tilism-e-ā.īna ḳhud ho naqāb-e-ā.īna
chashm par kaise hijāb-e-ā.īna-ḳhāna khule

kabhī to ulTe sar-e-ām vo naqāb apnī
taras rahe haiñ sabhī bāda-e-inab ke liye

savāl-e-vahshat-e-jāñ ke javāb āhista āhista
but-e-kāfir uThāte haiñ naqāb āhista āhista

milī na fursat jahāñ ho ġhash se uThī jo kuchh bhī naqāb-e-āriz
magar samajhte nahīñ abhī tak tum apnā jalva hijāb-e-āriz

huī ye hāl-e-zabūñ kī shohrat ki us ne ḳhajlat se muñh chhupāyā
banā hai rañg-e-shikasta merā bahut dinoñ meñ naqāb-e-āriz