Tags-Nasha

ba-ḳhudā haiñ tirī hindū bu-e-mai-ḳhvār āñkheñ
nashshe kī Dorī nahīñ pahne haiñ zunnār āñkheñ

ye nahīñ hai ki parda paḌ jaa.e
nashshe meñ āgahī sī rahtī hai

jo ek ḳhvāb kā nashsha ho kam to āñkhoñ ko
hazār ḳhvāb de aur jur.at-e-rasā.ī de

tere ḳhilāf koī na khole kabhī zabāñ
terī nigāh meñ vo nasha chhoḌ jā.ūñgā

is cocktail kā to nasha hī kuchh aur hai
ġham ko ḳhushī ke saath milā kar sharāb pī

jām-o-sharāb-o-ḳhum subū sāqiyā haiñ barā.e-nām
nashsha tirī nazar kā hai mai-kada-e-hayāt meñ

havā chalī mirī uftādgī kī ai saaqī
gireñge nashshe meñ sab ḳhush-ḳhirām uTh uTh kar

nashsha hai raah kī duurī kā ki hamrāh hai tū
jaane kis shahr meñ ābād karūñgā tujh ko

jo nasha jvānī kā utregā to khīñcheñge ḳhumār
ab to ḳhūbāñ sab sharāb-e-husn ke sarshār haiñ

kis ko ḳhabar ki ham se kab aap nigāh pher leñ
nashsha to dhuup chhāñv hai baada bhī mo'tabar nahīñ

jaane kis ḳhvāb kā sayyāl nasha huuñ maiñ bhī
ujle mausam kī tarah ek fazā huuñ maiñ bhī

shahryārī bhī ik nasha hai 'amīr'
tere hisse kā pyaar haiñ ham log

pī ġhair ne sharāb mujhe be-ḳhudī huī
nashsha chaḌhā kisī ko maiñ behosh ho gayā

ġham duniyā ke yaad jab aa.eñ us kī yaad bhī aane do
ik nashshe meñ aur ik nashsha ai yaaro mil jaane do

sair tabī.at ho jā.egī nasha jo hai hovegā vahī
farq nahīñ hai saaqī hargiz chullū meñ paimāne meñ

bhūle-bhaTke se yaañ tum aa nikle
nashshe meñ raah kuchh magar bhūle

nashsha meñ gum-karda-rāh aayā vo mast-e-fitna-ḳhū
aaj rañg-rafta daur-e-gardish-e-sāġhar huā

mai hai terī āñkhoñ meñ aur mujh pe nasha sā taarī hai
niiñd hai terī palkoñ meñ aur ḳhvāb mujhe dikhlā.e hai

na pūchh mujh se tire qurb kā nasha kyā hai
tū apnī aañkh meñ Dore mire ḳhumār ke dekh

piite rahe haiñ umr-bhar lekin vahī hai tishnagī
jis kā nasha hai jāvedāñ vo koī jaam aur hai