Tags-Aib

ai but-e-kāfir hai bas be-aib zaat allāh kī
lab tire iisā hue bīmār āñkheñ ho ga.iiñ

misr ke bāzār meñ kyā baḌh ga.ī yūsuf kī qadr
husn ko be-pardagī meñ aib-e-rusvā.ī nahīñ

gor-e-majanūñ se na jāveñge kahīñ ham be-navā
aib hai ham meñ jo chhoḌeñ Dher apne piir kā

hamāre dīda-o-dil meñ hazāroñ aib nikleñge
tumhārā aa.inā achchhā tumhārī ārasī achchhī

ḳhāl-o-ḳhat se aib us ke rū-e-aqdas ko nahīñ
husn hai mus.haf meñ honā nuqta-e-e.arāb kā

masrūr-e-dīd-e-husn hai is vāste 'fanā'
duniyā ke aib par kabhī merī nazar na jaa.e

ḳhudā ke vāste kar yaar chīn-e-abrū duur
baḌā hī aib lagā jis kamāñ meñ ḳhāna huā

zalīl hote haiñ aib haiñ ḳhud jo aib us meñ nikālte haiñ
unhīñ ke uupar hī ḳhaak paḌtī jo chāñd par ḳhaak Dālte haiñ

us daur meñ aap aa.e the ai hazrat-e-'jāved'
jis ahd meñ kuchh farq na thā aib-o-hunar meñ

kamāl-e-husn kahūñ aib ko jahālat ko
kabhī jagā.ūñ na soī huī adālat ko

tamām us ne mahāsin meñ aib DhūñD liye
jo bār-e-naqd-o-nazar dīda-var pe Daal diyā

apnā dīvān muraqqa.a hai hasīnoñ kā 'jalīl'
nukta-chīñ thak ga.e kuchh aib nikāle na ga.e

ye 'azīm' apnā kamāl-e-zarf hai jo
dushmanoñ ke aib par parda rakhā hai

banā ke ā.īna dekhe hai pahle ā.īna-gar
hunar-var apne hī aib-o-hunar ko dekhte haiñ

na ḳhuub o zisht na aib-o-hunar ko dekhte haiñ
ye chiiz kyā hai bashar ham bashar ko dekhte haiñ

sharmā ke muñh chhupāne kā andāz dekhnā
goyā ki us ne aib hamārā chhupā liyā

ye saif aap kī misl-e-parī-sahī-qad hai
magar ye aib hai chaltī nahīñ ḳhirām nahīñ

manzūr yaañ thī mad.h-e-gulū-e-shah-e-umam
yaad aa ga.ī magar ye hadīs-e-ġham-o-alam

na saare aib haiñ aib aur hunar hunar bhī nahīñ
kuchh ehtiyāt to kiije par is qadar bhī nahīñ

kyuuñ sach ye kahā us ne ki ulfat nahīñ mujh se
ye aib hī zālim meñ ki dam-bāz nahīñ hai