Collections

Lab Shayari

Motivational Ghazals

Best Khamoshi Shayari

More Collections

Tags-Aib

hazār aib haiñ ham meñ magar vo hai sattār
ḳhudā kā shukr hai badnām apnā naam nahīñ

wo saf ruKH pe jo zulf-e-siyah-fam nahin

ham ko aapas meñ mohabbat nahīñ karne dete
ik yahī aib hai is shahr ke dānāoñ meñ

raqs karne ka mila hukm jo dariyaon mein

baat hai to kuchh aib sī
lekin phir bhī hai

sunahri machhli

dukh huā jab us dar par kal 'farāz' ko dekhā
laakh aib the us meñ ḳhū na thī gadā.ī kī

is qadar musalsal thin shiddaten judai ki

jab koī aib nahīñ hai tujh meñ
ā.īna dekh ke Dartā kyuuñ hai

sab ka chehra tere jaise kyun hai

ik din vo mere aib gināne lagā 'farāġh'
jab ḳhud hī thak gayā to mujhe sochnā paḌā

ek din wo mere aib ginane laga faragh

ḳhvāb kise mālūm nahīñ haiñ lams kise mahbūb nahīñ
lekin jo tābīr na jaane us ko uuñgh bhī lenā aib

surma ho ya tara

aib hai 'shākir' har ik ke sāmne arz-e-hunar
naam kī ḳhvāhish meñ tū badnām hotā jā.egā

tere nalon se koi badnam hota jaega

sivā mere dikhe haiñ aib sab ke
baḌā dhokā rahā merī nazar kā

laDakpan ki hasin dilkash Dagar ka

mujh meñ the jitne aib vo mere qalam ne likh diye
mujh meñ thā jitnā husn vo mere hunar meñ gum huā

mujh mein the jitne aib wo mere qalam ne likh diye

shumār-e-aib nahīñ hai ye be-niyāzī-e-husn
ye nashsha hai ki jo hotā hai eqtidār ke saath

nibah karte hue sham-e-be-qarar ke sath

dekhā kisī ne auj-e-tasavvur na auj-e-fan
pinhāñ thā dāġh-e-aib to sab kī nazar ga.ī

subh-e-tarab to mast-o-ghazal-KHwan guzar gai

hazāroñ aib chhupāne ko lag ke duniyā meñ
badan pe rakhte haiñ zarrīñ libās kā paanī

jo zehn o dil mein ikaTTha tha aas ka pani

hamāre aib meñ jis se madad mile ham ko
hameñ hai āj-kal aise kisī hunar kī talāsh

pahunch gae to karenge idhar-udhar ki talash

hamāre aib ne be-aib kar diyā ham ko
yahī hunar hai ki koī hunar nahīñ aatā

misal-e-tar-e-nazar kya nazar nahin aata

rindān bāda-ḳhvār meñ hai aib-e-sar-kashī
ḳham kis tarah se gardan-e-mīnā na kījiye

qabu mein dil ho to kahen shaida na kijiye

ham girya-nāk haiñ ye sadā se hai aib-posh
āñkhoñ se duur apne kahīñ āstīñ na jaa.e

aankhon se KHun apne ye kahta nahin na jae

khulne se ek jism ke sau aib Dhak ga.e
uryāñ-tanī bhī josh-e-junūñ meñ libās hai

khulne se ek jism ke sau aib Dhak gae

ki yaad rakh tū hai sheroñ meñ aib rabt-e-kalām
vo sher hoñ ki na hargiz suḳhan suḳhan se mile

ilahi jaise hum us sham-e-anjuman se mile

ḳhud apnā ehtisāb gavārā nahīñ unheñ
auroñ meñ aib DhūñDte haiñ dīda-var tamām

rudad-e-shauq ye hai meri muKHtasar tamam