Tags-Aib

misāl durr-e-najaf se kyā duuñ ezār-sāda ko us parī ke
nahīñ hai baal us meñ naam ko bhī ye aib hai is meñ baal bhī hai

aib na ginvā auroñ ke
apnī ''kār-guzārī'' likh

merā sau aib Dhāñko ai mai suuñ bhīge kapḌe
o pāk-dāman aapī hamnā bachārat aayā

qadrdānī kī kaifiyat mālūm
aib kyā hai agar hunar na huā

na thī haal kī jab hameñ ḳhabar rahe dekhte auroñ ke aib o hunar
paḌī apnī burā.iyoñ par jo nazar to nigāh meñ koī burā na rahā

ham aib samajhte haiñ har ik apne hunar ko
kyā kījiye majbūr haiñ qismat nahīñ achchhī

rū agar dījiye is ko bhī to kuchh aib nahīñ
aa.ine se bhī gayā kyā dil-e-hairāñ merā

ai arz-o-samā ke ḳhāliq
be-aib-o-dānā rahīm-o-mālik

apne aib se vāqif honā sab se baḌā hai kār-e-hunar
aadmī ḳhud ā.īna dekhe auroñ ko dikhlā.e kam

maut kī zad kā ḳhatar har fard ko har ghar meñ hai
ye baḌā ik aib ai duniyā tirī chausar meñ hai

is jahāñ meñ sifat-e-ishq se mausūf haiñ ham
na karo aib hamāre hunar-e-zātī kā

kisī kī aib-jūī hī kiyā kar
abhī ke daur meñ ye bhī hunar hai

zamāna zāhirī sūrat meñ aib DhūñDhtā hai
mujhe gumāñ hai ki dil se hasīn huuñ ḳhush huuñ

hunar sīkhā zamāna aib kā thā
ḳhatā kī aur ham ne jaan kar kī

is baar koī aib koī aib nahīñ thā
is baar kiyā ham ne hunar aur tarah kā

apne a.amāl par nazar rakhiye
aib un ke ginā ke kyā hogā

sach hai be-aib hai ḳhudā kī zaat
tujh meñ kyā jaane kyā burā.ī hai

yaar kā 'nāsiḳh' phaTā hai pairahan to aib kyā
hai katāñ ko chaak karnā kaam nūr-e-māh kā

tum ko jiinā hai to kuchh aib bhī lāzim haiñ 'shahāb'
zindagī ko to na faizān-e-hunar pahuñchegā

jab huā ausāf se koī barī
aib kyūñkar us meñ paidā ho gayā