Tags-Aib

sab kī tarah tū ne bhī mire aib nikāle
tū ne bhī ḳhudāyā mirī niyyat nahīñ dekhī

is mahfil meñ maiñ bhī kyā bebāk huā
aib o hunar kā saarā parda chaak huā

kaam poshāk se nahīñ ham ko
aib-poshī hamārā sheva hai

ye baḌā aib mujh meñ hai 'akbar'
dil meñ jo aa.e kah guzartā huuñ

ḳhair-ḳhvāh o muḳhlis o fidvī jo kuchh kahiye so huuñ
aib kyā hai gar rahe ḳhidmat meñ mujh sā āshnā

nāseh hai aib-jū o dil-āzār is qadar
goyā savāb hai suḳhan-e-nā-savāb meñ

'shahbāz' meñ aib hī nahīñ kul
ek aadh koī hunar bhī hogā

jo chāheñ yaar se kahīñ aġhyār ġham nahīñ
ḳhvāja ko haiñ ġhulām ke aib-o-hunar khule

aap hī kī hai adālat aap hī munsif bhī haiñ
ye to kahiye aap ke aib-o-hunar dekhegā kaun

aib kyūñkar hoñ be-hunar meñ 'obaid'
aib to bā-hunar meñ rahte haiñ

aib bhī tere hunar lagte haiñ
terī furqat kā samar lagte haiñ

khoTā ho agar daam hī apnā yaaro
sarrāf ko phir aib abas la.iye kyuuñ

mat uThā uñgliyāñ raqīboñ par
aib apne shumār kar pahle

tujhe āgahī kī nahīñ ḳhabar mirī gumrahī pe na tanz kar
are vaqt vaqt kī baat hai yahī aib rashk-e-hunar bhī hai

ahl-e-zamāna dekhte haiñ aib hī ko bas
kyā fā.eda jo 'sheftā' arz-e-hunar kareñ

khulnā thā apne aib o hunar kā bharam kahāñ
ye bhī huā to qāfiya-paimā.ī se huā

burā na māniye logoñ kī aib-jūī kā
unheñ to din kā bhī saayā dikhā.ī detā hai

hazār aib kamā.e haiñ ek ḳhūbī se
jo ab ho maiñ so huuñ apne mizāj kā maarā

marte marte na haTe rāh-e-mohabbat se qadam
mujh meñ sau aib sahī ek hunar bhī dekho