Tags-Nigaah

badan pe hāshiya likhnā nigāh par tafsīr
muqallidīn haiñ shoḳhī ke apnī shaiḳh ka.ī

jalva-e-qudrat kā shāhid husn-e-fitrat kā gavāh
maah kā dil mehr-e-ālam-tāb kā nūr-e-nigāh

qat.a hotī hī nahīñ tārīki-e-hirmāñ se raah
fāqa-kash bachchoñ ke dhuñdle āñsuoñ par hai nigāh

dil se tirī nigāh jigar tak utar ga.ī
donoñ ko ik adā meñ razā-mand kar ga.ī

un ke aage har nayā maidān hogā jalva-gāh
aur tirā stage hogā sirf shauhar kī nigāh

ḳhanjar-e-bismil suuñ dil kuuñ nīm-bismil jab kiyā
yak nigāh-e-lutf suuñ kar puḳhta is kā kār-e-ḳhām

paḌte hī nigāh-e-sā.iqa-e-zan jal uTThegā har nazm-e-kuhan
ai sub.h-e-vatan ai sub.h-e-vatan

nigāh-e-sharm ke zaḳhmī haiñ teġh-e-nāz ke bismil
taḌapne ke liye ham ko pas-e-dīvār rahne deñ

ab to is baaġh pe hai sab kī mohabbat kī nigāh
jo ki paude the shajar ho ga.e māshā-allāh

dekhā na aañkh uThā ke mujhe nāzukī se jhuuT
aisā to kuchh nigāh kā uThānā garāñ na thā

baḳhiya jarāhat-e-dil-e-nāzuk-mizāj kā
mauqūf hai huzūr ke tār-e-nigāh par

uupar kī saañs lene kā āzār ho gayā
jis kī nazar paḌī tirī tirchhī nigāh par

dil ke muāmle meñ na ho daḳhl ġhair ko
lenā jo ho to lījiye apnī nigāh par

mahshar bapā hai band haiñ kushtoñ ke rāste
qad baaḌh par hai baaḌh hai teġh-e-nigāh par

bahār-e-mashriq-e-dil inqalāb-e-mausam-e-ġham
kisī kā ek tabassum kisī kī ek nigāh

bas ek maut kī had tak pahuñch sakī hai nigāh
kahāñ milī abhī dariyā-e-sānehāt kī thaah

kyā saaf gaal haiñ ki na Thahre nazar kahīñ
be-sāḳhta nigāh hamārī phisal ga.ī

jo ek thā ai nigāh tū ne hazār kar ke hameñ dikhāyā
yahī agar kaifiyat hai terī to phir kise e'tibār hogā

dam-e-hashr azal kī bhī yaad kar ye zabān kyā ye nigāh kyā
jo kisī se aaj na ho sakā vo savāl bār-e-digar bhī hai

na ġham-e-azāb-o-savāb se kabhī chheḌ fitrat-e-ishq ko
jo azal se mast-nigāh hai use nek-o-bad kī ḳhabar bhī hai