Tags-Pani

mirā tū ḳhuuñ ho gayā hai paanī sitamgaroñ kī palak na bhīgī
jo naala uTThā thā raat dil se na jaane kyuuñ be-asar gayā vo

jaate jaate ye nishānī de gayā
vo mirī ā.ankhoñ meñ paanī de gayā

jab shaam utartī hai kyā dil pe guzartī hai
sāhil ne bahut pūchhā ḳhāmosh rahā paanī

ḳhvāb bhī barf ke gharauñde the
jab khulī aañkh rah gayā paanī

kaT gayā buuñd buuñd meñ patthar
choT patthar kī sah gayā paanī

paanī miT kar bhī rah gayā paanī
hue kyā baat kah gayā paanī

ham nazāroñ ko dekhte hī rahe
pul ke nīche se bah gayā paanī

zindagī naam hai ravānī kā
jaate jaate ye kah gayā paanī

shor kitnā kiyā thā lahroñ ne
ek tūfāñ meñ bah gahā paanī

ye dil kyuuñ bujh gayā soz-e-firāq-e-sho.ala-rūyāñ meñ
tamāshā hai kiyā hai aag ne yaañ kaam paanī kā

hai aks is chashm-e-pur-nam meñ kisī aabī dupaTTe kā
banāyā hai makāñ ham ne ajab paanī meñ paanī kā

kalām kartī huī lahreñ chup na hoñ mire baad
mire liye kahīñ paanī rukā huā hī na ho

apnī hī teġh-e-adā se aap ghāyal ho gayā
chāñd ne paanī meñ dekhā aur pāgal ho gayā

irāda kar liyā gar ḳhud-kushī kā
to ḳhud kī aañkh kā paanī bahut hai

tumheñ jiine meñ āsānī bahut hai
tumhāre ḳhuun meñ paanī bahut hai

utarte vaqt paanī meñ zarā ye dekh lenā thā
ki andar beach meñ jā kar yahī dariyā badaltā hai

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

naddiyāñ dekheñ to bas sharm se paanī ho jaa.eñ
chashm-e-ḳhūñ-basta se paidā vo ravānī karte

shola-e-jāñ ko bujhāte yūñhī qatra qatra
ḳhud ko ham aag banāte tujhe paanī karte

kise mālūm hai ruknā ki guzar jaanā hai
shaam hai Thahrī huī bahtā huā paanī hai